एनपीएलको टिकटदर सार्बजनिक,कुन टिकटलाई कति ?

काठमाडौँ । यहि मङ्सिर १५ गतेदेखि शुरु हुने नेपाल प्रिमियर लिग (एनपीएल) को टिकट दर सार्बजनिक गरिएको छ । नेपाल क्रिकेट संघ (क्यान) ले एनपीएलका लागि विभिन्न पाँच प्रकारका टिकट दररेट सार्बजनिक गरेको हो ।

क्यानले उद्घाटनको दिनका लागि जनरल टिकटको ३०० र भिआइपी टिकट ७००, लिगका दुवै खेलका लागि जनरल ३०० र भिआइपी ५००, प्लेअफ खेलको दिन जनरल ५०० र भिआइपी ७००, फाइनल खेलको दिन जनरल ५०० र भिआइपी १०० टिकट दर तोकेको छ ।

साथै क्यानले सिजनल पासमा २० प्रतिशत छुट दिदै जनरलका लागि ४ हजार ४८० र भिआइपीमा ८ हजार २४० तोकेको छ । क्यानले मङ्सिर १० गतेदेखि नै टिकट बिक्रि शुरु गरिएको जनाएको छ । टिकट खल्ती एपबाट अनलाइन खरिद गर्न सकिने व्यवस्था मिलाइएको छ ।