लुम्बिनीकाे निरन्तर तेस्राे हार, सुदुरपश्चिमले फेरी मार्यो बाजी

काठमाडौं । सुदुरपश्चिम रोयल्सले लगातार दोस्रो जीत हासिल गरेको छ ।  खराब प्रदर्शन जारी राख्दा नेपाल प्रिमियर लिग एनपिएलमा लुम्बिनी लायन्सले भने निरन्तर तेस्रो हार बेहोर्नु  परेको छ । अहिलेसम्म कुनै जीत हासिल नगर्ने लुम्बिनी मात्र एक टोली हो ।

सुदूरपश्चिम रोयल्ससँग भने लुम्बिनलाइ हराउँदै ४५ रनले बिजय भएको हो । लुम्बिनीलाई हराएको सुदूरपश्चिम भने लगातार तेस्रो जितका साथ अंक तालिकाको शीर्ष स्थानमा उक्लिएको छ ।

सुदूरपश्चिमले दिएको १ सय ८८ रनको विशाल लक्ष्य पछ्याएको लुम्बिनीले निर्धारित २० ओभरमा ९ विकेट गुमाएर १ सय ४२ रन मात्र जोड्यो ।

लुम्बिनीका लागि विवेक यादवले नट आउट रहँदै सर्वाधिक ७७ रन बनाए । उनले ५४ बलमा ३ चौका र ७ छक्का प्रहार गरे । प्रतियोगितामा आफ्नो पहिलो अर्धशतक विवेकले ४१ बलमा पूरा गरेका थिए । सन्दीप जोराले २६ बलमा १ छक्काको सहयोगमा २० रन जोडे ।

सुदूरपश्चिमका लागि सेफ अलि जेब र ब्रेन्डन मक्मेलनले समान ३ तथा स्कट कुगेलेनले २ विकेट लिए ।

त्यसअघि टियु क्रिकेट मैदानमा टस हारेर ब्याटिङ गरेको सुदूरपश्चिमले ओपनर सेफ अलि जेबको अर्धशतकको सहयोगमा लुम्बिनीविरुद्ध सुदूरपश्चिमले निर्धारित २० ओभरमा ४ विकेट गुमाएर १ सय ८८ रनको बलियो योगफल तयार गरेको थियो ।

लगातार तेस्रो हार बेहारेको लुम्बिनी लगातार तीन हार सहित अंकबिहिन रहेको छ । पहिलो खेलमा विराटनगर किंग्ससँग हारेको लुम्बिनीले पोखरा एभेन्जर्ससँगको खेल पनि गुमाएको थियो ।

सुदूरपश्चिम भने लगातार दोस्रो जित निकाल्दै शीर्ष स्थानमा उक्लिएको छ । सुदूरपश्चिमले पहिलो खेलमा विराटनगर र दोस्रोमा काठमाडौं गुर्खाजलाई पराजित गरेको थियो ।