मुम्बई । निर्माता साजिद नाडियाडवालाको ब्लकबस्टर एक्शन थ्रिलर फ्रेन्चाइजी ‘बागी’ को चौथो किस्ता सुरु भएको छ ।

बागीः ४ मा  टाइगर श्राफ रोनीको भूमिकामा पुनः देखिदैँछन् भने सो चलचित्रलाइ कन्नड निर्देशक ए हर्षले निर्देशन गर्नेछन् । उनी केहि उल्लेखनीय कन्नड़ चलचित्र निर्देशन गरिसकेका छन्।

सोमबार निर्माता नाडियावालाले फिल्मको पहिलो लुक सार्बजनिक गरेका छन । जहाँ खलनायकको भुमिकामा सञ्जय दत्तलाइ देखाइएको छ । पोस्टरमा दत्तले उनकी गर्लफ्रेन्ड वा पत्नीलाइ काखमा राखेर कुर्सीमा बसेको देखाइएको छ, जसको ट्यागलाइन लेखिएको छ– हरेक आशिक एक खलनायक हो।

हालसम्मका पोस्टरहरू हेर्दा बागी ४ बदला र ड्रामामा आधारित उच्च ओक्टेन एक्शन थ्रिलर हुनेछ भन्ने अनुमान गर्न सकिन्छ । फिल्मको सुटिङ सुरु भइसकेको छ र सेप्टेम्बर ५, २०२५ मा विश्वभर रिलिज हुनेछ। हिराेइनको औपचारिक घोषणा हुन बाँकी छ ।