नेपालमा रोबर्टो कार्लोसले चढे एक्सपेङ जी सिक्स

काठमाडौं । ब्राजिलका महान फुटबलर रोबर्टो कार्लोसको नेपाल सुपर लिगका विशेष अतिथिका रूपमा नेपाल आगमन हुनु नेपाली खेलकुदको इतिहासमा एक उल्लेखनीय क्षण बनेको छ ।अन्तर्राष्ट्रिय सम्बन्ध विस्तार गर्ने र नेपाली फुटबललाई नयाँ उचाइमा पुर्‍याउने उद्देश्यसहित आयोजना भइरहेको यस लिगसँग सहकार्य गर्न पाउनु सिजी मोटर्सको लागि गौरवको विषय भएको बताइएको छ।

नेपाल सुपर लिगको आधिकारिक मोबिलिटी पार्टनरको रूपमा सिजी मोटर्सको एक्सपेङ जी सिक्सले फुटबलर कार्लोसको सम्पूर्ण नेपाल यात्रालाई सहज, सुरक्षित र सम्मानजनक बनाउँदै लिगको समग्र मूल्यवृद्धिमा योगदान पुर्‍याउनेछ।

यस अवसरमा एक्सपेङ जी सिक्स र फुटबलर कार्लोसबीचको प्रतीकात्मक समानता उल्लेखनीय रहेको बताइएको छ। जी सिक्स उच्च प्रविधि, उत्कृष्ट गति, विद्युतीय दक्षता र आधुनिक डिजाइनको समायोजन हो, जसरी कार्लोस आफैं तीव्रता, रणनीति र प्रेरणादायी उपस्थिति सहित मैदानमा उत्रिन्थे।

० देखि १०० किलोमिटर प्रति घण्टा मात्र ६.६ सेकेन्डमा पुग्ने र ४३५ किलोमिटरको रेन्ज दिने क्षमता भएको एक्सपेङ जी सिक्स, नवप्रवर्तन र गतिशीलताको प्रतीक बनेको  कम्पनीले जनाएको छ ।

एक्सपेङ जी सिक्स लाई एक उत्कृष्ट इलेक्ट्रिक गाडीको रूपमा चिनिन्छ, जसले ५-स्टार एनसीएपी सुरक्षा रेटिङ पाएको बताइएको छ। यसमा स्वचालित ड्राइभिङ प्रविधि, शक्तिशाली १९० किलोवाट मोटर र ४४० एनएम टर्क उपलब्ध रहेको जनाइएको छ।