साइमेक्स इंकद्वारा देशभर बीवाईडी एक्सचेन्ज क्याम्पेनको घोषणा, बीवाईडी ईभीमा अपग्रेड हुन सकिने

काठमाडौं । बीवाईडी अटो इन्डष्ट्रिको नेपालका लागि आधिकारिक वितरक साइमेक्स इंक प्रालिले देशव्यापी रुपमा बीवाईडी मेगा एक्सचेन्ज क्याम्पेनको घोषणा गरेको छ । आज देखि सुरु भएर आगामी बैशाख २७ सम्म आयोजना हुने सो अफर अन्तर्गत ग्राहकले छुटाउनै नहुने मौका पाउने छन्, जसमा फ्युचर अफ मोबिलिटी अर्थात बीवाईडी इलेक्ट्रिक गाडीमा अपग्रेड हुन सकिने छ ।

मेगा एक्सचेन्ज अवधिमा ग्राहकले आफूसँग भएको कुनै पनि ब्रान्ड वा मोडलको गाडीसँग साटेर बीवाईडी एट्टो ३, बीवाईडी डल्फिन र बीवाईडी एम६ लिन सक्ने छन् र यसका लागि बेस्ट–इन–इन्डष्ट्रि भ्यालुएसन प्राप्त गर्न सकिने छ ।

यस अन्तर्गत आकर्षक एक्सचेन्ज बोनस, १ वर्षको निःशुल्क अटो प्लस इन्स्योरेन्स, १० वर्षको एक्सटेन्डेड वारेन्टी, ८० प्रतिशत सम्म फाइनान्सिङ र स्पेसल नगद छुट उपलब्ध हुनेछ ।

थप सुविधाको रुपमा, सो चार दिने मेगा एक्सचेन्जमा बीवाईडी गाडी बुकिङ गर्ने ग्राहकलाई लक्की ड्रमा सहभागी हुने मौका प्राप्त हुनेछ । तीन जना लक्की ड्र विजेतालाई आफूले किनेको गाडीमा १२ महिना सम्मको किस्ता निःशुल्क अर्थात फ्रि ईएमआई उपलब्ध हुनेछ ।

सो एक्सचेन्ज क्याम्पेन देशभरका सहरमा रहेका बीवाईडीका विभिन्न शोरुम तथा अन्य विशेष स्थलमा आयोजना हुनेछ । यस अनुसार चितवनकाे बीवाईडी पार्क, बुटवलकाे भेल्भेट लक्स होटल, भैरहवाकाे बोधी रेडसन हाेटल र नेपालगन्जकाे बीवाईडी नेपालगन्ज शोरुममा साे क्याम्पेन हुनेछ ।

त्यसैगरी दाङकाे माला इन, धनगढीकाे होटल रुबस, विर्तामोडकाे टाइमलेस मोमेन्ट्स होटल तथा दमक, इटहरी, विराटनगर, जनकपुर, लहान र वीरगन्जका बीवाईडी शोरुममा साे क्याम्पेन हुनेछ ।

पोखराकाे रोयल महल बैंक्वेट, ललितपुरकाे सत्कार फाइन डाइन, पेप्सीकोलाकाे म्याजेस्टिक बैंक्वेट, कोटेश्वरकाे रोयल लाउन्ज बैंक्वेट एन्ड रेष्टुरेन्ट, सोल्टीमोडकाे ल्यान्डमार्क रिसेप्सन, सातदोबाटोकाे सेल्सबेरी र नक्सालकाे आम्रपाली बैंक्वेटमा साे क्याम्पेन हुनेछ ।

‘नयाँ अर्थिक वर्ष आउन लागेको र ईभीको करमा समेत परिवर्तन हुने हल्ला चलिरहेको समयमा दिगो मोबिलिटीको क्षेत्रमा आफूलाई लैजाने यो उपयुक्त समय हो । यसरी स्विच हुनका लागि मेगा एक्सचेन्ज अफरले उपलब्ध गराउने अतुलनीय मूल्य, वित्तीय लचकपना र विशेष लाभले अझै सहज बनाउने छ ।’, साइमेक्स इंकका सीईओ साहिल श्रेष्ठले भने ।