प्राकृितक विपद् र चुनौतीबीच नाडा अटो शोमा राखिने फ्लाइङ कार र रोबोट काठमाडौंमा

काठमाडौं । नाडा अटोमोबाइल्स एशोसिएसन अफ नेपालको आयोजनामा भदौ ३ देखि हुन लागेको नाडा अटो शोमा शोकेस गरिने फ्लाइङ कार र रोबोट काठमाडौं आइपुगेको बताइएको छ। सबै अवरोध, चुनौती र प्राकृतिक विपद्पार गर्दै असम्भवलाई सम्भव बनाइ फ्लाइङ कार र रोबोट काठमाडौं आइपुगेको नाडाले जनाएको छ।

तातोपानी क्षेत्रमा देखिएका प्राकृितक विपद् र अनपेक्षित चुनौतीहरूलाई पार गर्दै नाडा अटामोबाइल्स एशोसिएसन अफ नेपालले विज्ञप्तिमार्फत दिपलको फ्लाइङ कार र अत्याधुनिक युनिट्री रोबोट आइपुगेको उल्लेख गरेको छ। यी अति उच्च प्रविधिहरू पहिलोपटक नेपालमा सार्वजनिक प्रदर्शनको लागि तयार छन् र यस ऐतिहासिक क्षणलाई नाडा अटो शो २०२५ माफर्त दर्शकहरूले प्रत्यक्ष अनुभव गर्नेछन्।

‘१७औँ संस्करणको नाडा अटो शो कवेल एउटा प्रदशर्नी मात्र होइन, यो हाम्रो देशको दृढता, नवीनता र भविष्यप्रतिको दृष्टिकोणको जीवन्त प्रमाण हो,’ नाडाले विज्ञप्तिमा भनेको छ, ‘यसले नेपालमा प्रविधिको नयाँ सम्भावनालाई उद्घाटन गर्नेछ।’

२०८२ भदौ ३ गतेदेखि ८ गतेसम्म (१९-२४ अगस्ट २०२५) काठमाडौंको भृकुटीमण्डप प्रदर्शनी हलमा हुने प्रदर्शनीमा सहभागी भई यो ऐतिहासिक क्षणका साक्षी बन्न नाडाले आह्वान गरेको छ।