काठमाडौं । यामाहा नेपालले देशभरका यामाहा ग्राहकहरूमा उत्साह भर्न ल्याएको आफ्नो दशैं तिहार विशेष अफर ‘राइड द ब्लू विद रोडिज’ अन्तर्गत पहिलो विक्ली लक्की ड्रको विजेता घोषणा गरेको छ । यो ड्र २ असोज, २०८२ मा काठमाडौंको जय नेपाल सिनेमा हल, हात्तीसारमा आयोजित यामाहा ब्लू फेस्ट कार्यक्रममा गरिएको थियो ।
सो अवसरमा नेपालका चर्चित मोटरसाइकल रेसर श्रीहरि पौडेलले विजेताको नाम सार्वजनिक गरेका थिए । रकेट उपनामले परिचित २८ वर्षीय श्रीहरि पौडेल व्यवसायिक मोटरसाइकल रेसर हुन्, जो यामाहा नेपालका पनि आधिकारिक रेसर हुन् ।
उनी नेपाल मोटरस्पोट्र्स इतिहासका पहिलो गोल्ड मेडल विजेता, नेपाल रोड रेसिङ च्याम्पियनसिपका लगातार पाँच पटकको विजेता र सन् २०२४ का नेसनल च्याम्पियन हुन् ।
यस हप्ताको ग्राण्ड उपहारको विजेता भैरहवाका बिनोद यादवले नयाँ यामाहा बाइक जितेका छन् । यामाहाले दशैं अभियान मार्फत निरन्तर रूपमा आफ्ना ग्राहकलाई खुशी दिँदै आएको बताएको छ । त्यस अनुरूप यो पनि अर्को एउटा महत्वपूर्ण क्षण हो ।
लक्की ड्रका बारेमा एमएडब्लू राइड्स प्रालिका कार्यकारी निर्देशक तथा सिईओ दीपक कुमार अग्रवालले भने, ‘यस हप्ताका विजेतालाई म हार्दिक बधाई दिन चाहन्छु । यामाहाले सधैं थ्रिल, लाइफस्टाइल र पर्फर्मेन्सलाई महत्त्व दिने गरेको छ, र ‘यामाहा राइड द ब्लू विद रोडिज’ अभियानमार्फत यो दशैंमा ग्राहकलाई थप खुसी दिन पाउँदा हामी उत्साहित छौं । अझै धेरै लक्की ड्रहरू बाँकी भएकाले सबै दर्ता भएका ग्राहकका लागि यामाहा बाइक जित्ने अवसर उपलब्ध छ।’
‘यामाहा राइड द ब्लू विद रोडिज’ अभियान अन्तर्गत बाइक खरिदअघि नै अधिकतम १ लाख सम्मको नगद उपहार, बाइक खरिदपछि अधिकतम १० लाख सम्मको नगद उपहार, हरेक सातामा लक्की ड्रमार्फत एउटा यामाहा बाइक, फ्री हेलमेट, ४ वटा निःशुल्क अतिरिक्त सर्भिस कुपन, स्पेयर पाट्र्स र ल्युबमा ५ प्रतिशत छुट तथा स्पट एक्सचेन्ज, इजी फाइनान्स र छानिएका मोडलमा शून्य प्रतिशत ब्याजसहित ईएमआई सुविधा लगायत अफर सामेल छन् ।
कम्पनीका अनुसार, यामाहा यस “यामाहा राइड द ब्लू विद रोडिज” अभियानमार्फत सबैजनालाई पर्वको खुशीसँगै यामाहाको रोमाञ्चको थ्रिल, स्टाइलको बोल्डनेस र यामाहालाई पुस्तौंदेखिको विश्वासिलो नाम बनाउन सफल यसको उत्कृष्ट पर्फर्मेन्सको अनुभव लिन निमन्त्रणा गर्दछ।
एमएडब्लू राइड्स प्रालिका अन्तर्गतको यामाहा नेपाल सधैं नवीनता, पर्फर्मेन्स र भरोसामा अग्रणी रहँदै आएको जनाइएको छ। यसले जापानी प्रविधि, उत्कृष्ट स्टाइल र उत्साहको संयोजन मार्फत् नेपाली राइडरहरूलाई विश्वस्तरीय दुईपांग्रे सवारी उपलब्ध गराउँदै आएको बताइएको छ।
