नेपाल टेलिकमले ल्यायो दशैं-तिहार-छठ अफर, यस्ता छन् विशेषता

काठमाडौं । नेपाल टेलिकमले महान चाड दसैं, तिहार र छठ पर्वलाई लक्षित गरी विशेष अफर सार्वजनिक गरेको छ । ‘दसैं–तिहार–छठ अफर २०८२’ नाम दिइएको यो अफरअन्तर्गत ग्राहकहरूले इन्टरनेटदेखि मोबाइल सेवासम्मका विविध सुविधा छुटसहित प्रयोग गर्न पाउनेछन् ।

कम्पनीले असोज ६ गतेदेखि ३१ गतेसम्म नयाँ एफटीटीएच इन्टरनेट जडान गर्ने ग्राहकलाई जडान शुल्क ९रु। ५,०००० पूर्ण रूपमा मिनाहा गर्ने व्यवस्था गरेको छ ।

मोबाइल सेवामा समेत आकर्षक प्याकेज ल्याइएको छ । कम्पनीले रु। ४९९ मा ५ जीबी ‘फेस्टिवल अनलिमिटेड’ र रु. ६९९ मा १० जीबी ‘फेस्टिवल अनलिमिटेड प्रिमियम’ डेटा प्याकेज उपलब्ध गराएको छ । यी प्याकेज प्रयोगकर्ताले दैनिक तोकिएको डेटा सकिएपछि पनि क्रमशः २ एमबीपीएस र ३ एमबीपीएस गतिमा निरन्तर अनलिमिटेड इन्टरनेट प्रयोग गर्न सक्नेछन् ।

त्यस्तै, रु. २५० मा १००० मिनेट अल–नेट भ्वाइस सुविधा दिने ‘जॉयफुल मिनेट्स’ प्याकेज र रु.९९ मा १००० अन–नेट एसएमएस पठाउन सकिने ‘फेस्टिभ म्यासेज’ प्याकेजसमेत सञ्चालनमा ल्याइएको छ । यी प्याकेजको समयावधि प्रिपेड प्रयोगकर्ताका लागि २८ दिन र पोस्टपेड प्रयोगकर्ताका लागि ३० दिन तोकिएको छ ।

कम्पनीका अनुसार जीएसएम सेवाका यी अफर असोज ६ देखि २० गतेसम्म र कार्तिक १ देखि १० गतेसम्म खरिद गर्न सकिनेछन् । अफर प्राप्त गर्नका लागि ग्राहकले आफ्नो मोबाइलबाट  14153# डायल गर्न वा ‘नेपाल टेलिकम एप’ प्रयोग गर्न सक्नेछन् ।