काठमाडौं । चाँदीको मूल्यले नयाँ रेकर्ड कायम गरेको छ । आज चाँदीको मूल्य प्रतितोला ६० रुपैयाँले बढेको छ। नेपाल सुनचाँदी व्यवसायी महासंघका अनुसार चाँदीको मूल्य प्रतितोला ४ हजार ८ सय ९५ रुपैयाँमा कारोबार भइरहेको छ । अघिल्लो दिन चाँदीको मूल्य ४ हजार ८ सय ३५ रुपैयाँमा कारोबार भएको थियो।

सुनको मूल्यमा भने सामान्य गिरावट आएको छ । आज सुन तोलामा ६ सय रुपैयाँ घटेको छ । सुनको मूल्य प्रतितोला २ लाख ७० हजार रुपैयाँ कायम भएको महासंघले जनाएको छ। अघिल्लो दिन सुन २ लाख ७० हजार ६ सय रुपैयाँमा कारोबार भएको थियो।