विदेशी पर्यटक ट्रयाकिङ प्रणाली सुरु

काठमाडौं । सरकारले १ जनवरी २०२६ बाट विदेशी नागरिक व्यवस्थापन सूचना प्रणाली (एफएन–एमआईएस) कार्यान्वयनमा ल्याएको छ। गृहमन्त्री ओमप्रकाश अर्याल र नेपाल पर्यटन बोर्डका सीईओ दीपकराज जोशीको उपस्थितिमा अध्यागमन विभागले प्रणाली सुरु गरेको हो।

यस प्रणालीले नेपाल प्रवेश गर्ने विदेशी नागरिकको बसोबास, गतिविधि र दर्ता व्यवस्थित गर्नेछ। पहिलो चरणमा काठमाडौं उपत्यकाका तारे होटलमा लागू गरिएको प्रणाली दोस्रो चरणमा १ मार्च २०२६ देखि देशभरका होटल, गेस्ट हाउस, वायुसेवा कम्पनी, टुर्स एन्ड ट्राभल कम्पनी र मनी एक्स्चेन्जमा अनिवार्य हुनेछ।

अध्यागमन विभागका अनुसार प्रणालीले सुरक्षा, आपतकालीन उद्धार, अपराध नियन्त्रण र पर्यटन प्रवर्द्धनमा सहयोग पुर्‍याउने विश्वास गरिएको छ।