काठमाडौं । स्वास्थ्य तथा जनसंख्या मन्त्रालयले जाडोयाममा बालबालिका, गर्भवती महिला, वृद्धवृद्धा तथा दीर्घ रोगीहरूलाई अत्यधिक चिसो समयमा अनावश्यक रूपमा बाहिर ननिस्कन आग्रह गरेको छ।
मन्त्रालयका अनुसार चिसो, शीतलहर र वायु प्रदूषणका कारण रुघाखोकी, दम तथा सासप्रश्वाससम्बन्धी समस्या बढ्ने जोखिम छ। त्यसैले न्यानो लुगा लगाउन, पोषणयुक्त खाना खान, धुवाँ–धुलोबाट बच्न र समस्या देखिएमा नजिकको स्वास्थ्य संस्थामा सम्पर्क गर्न अनुरोध गरिएको छ।
