पोकोको कमब्याक: टेलिटकसँग साझेदारी गर्दै एक्स ७ प्रो, एफ ७ र एफ ८ प्रो सार्वजनिक

काठमाडौँ । विश्वप्रसिद्ध प्रविधि कम्पनी; सायोमिको स्वामित्वमा रहेको चर्चित स्मार्टफोन पोको (POCO) ब्रान्ड नेपाली बजारमा औपचारिक रुपमा कमब्याक गरेको छ । गेमिङ र मल्टिटास्किङ स्मार्टफोनको रुपमा युवामाझ लोकप्रिय रहेको पोकोको कमब्याकले स्मार्टफोन बजारमा प्रतिस्पर्धा बढाउने अनुमान गरिएको जनाइएको छ ।

तीन वर्षपछि टेलिटक प्राइभेट लिमिटेडसँग साझेदारी गर्दै पोकोले तीनवटा अत्याधुनिक स्मार्टफोनसमेत लन्च गरेको हो। नयाँ फिचरसहित लन्च गरिएको पोको एक्स ७ प्रो ५ जी, पोको एफ ७ प्रो ५ जी र  पोको एफ ८ प्रो ५ जी मोडेलमा छिटो र तीव्र रुपमा काम गर्ने चिपसेटहरू, धेरै लामो समयसम्म टिक्ने ब्याट्री र आधुनिक फिचरहरू समावेश  भएको कम्पनिले बताएको छ ।  यसले ब्रान्डको ‘पर्फमेन्स फर्स्ट’ अर्थात् ‘प्रदर्शन सर्वोत्कृष्ट’ भन्ने दर्शनलाई जीवन्त बनाउने विश्वास रहेको पनि कम्पनीको दाबी रहेको छ ।

तीन मोडेलहरू लन्च भएपछि आफ्नो धारणा व्यक्त गर्दै टेलिटकका कार्यकारी निर्देशक प्रतिक जालानले भने – ‘‘हामी पोकोलाई फेरि नेपाली बजारमा ल्याउन पाउँदा उत्साहित भएका छौं, बलियो र छिटो काम गर्नसक्ने चिपसेटहरू र लामोसमय टिक्ने ब्याट्रीसँगै नयाँ फिचरसहित डिजाइन गरिएका छन्, यसले बिना कुनै सम्झौता गेम खेल्ने, एकैपटक धेरै कार्य गर्ने र निरन्तर कनेक्टेड रहने सुविधा प्रदान गर्नेछन्।’’ नेपालीको दैनिकीलाई सहज र सरल बनाउनु नै पोकोको मूल मर्म भएको बताउँदै उत्कृष्ट अनुभव प्रदानका लागि सधैं प्रतिबद्ध रहने पनि उनले  बताए।

फ्ल्यागशिप मोडेल पोको एफ ८ प्रो मा क्वालकम एसएस ८७५० एबि स्नापड्रागन ८ एलिट प्रोसेसर(३ एनएम )छ, जसमा अक्टा-कोर ४.३२ गिगाहर्ज कन्फिग्रेसन रहेको कम्पनिले जनाएको छ । यसमा ६.५९ इन्चको आई-केयर एमोलेड डिस्प्ले छ, जसको रिफ्रेस रेट १२० हर्ज  छ। ६२१० मेगाहर्ज ब्याट्रीसँग १०० वाट फास्ट चार्जिङ सपोर्ट, १२  जिवि र्याम + ५१२ जिवि रोम र एन्ड्रोइड १६ अपरेटिङ सिस्टममा आधारित हाइपर ओएस ३ रहेकाले यो स्मार्टफोनले उत्कृष्ट प्रदर्शन गर्ने बताइएको छ।

ध्वनि गुणस्तरका लागि स्टेरियो स्पिकरहरूमा डल्बी एटमस, बोस द्वारा ट्युन गरिएको र हाई-रेस अडियो सपोर्ट जनाइएको छ । क्यामेरामा वाइड, टेलिफोटो र अल्ट्रावाइड लेन्सहरूको ट्रिपल सेटअप छ, जसले अनेकौँ प्रकारका बहुउपयोगी फोटोग्राफीलाई सम्भव बनाउने बताइएको छ । यसमा आइपि ६८ रेटिङको सुविधा छ, जसले पानी र धुलोबाट सुरक्षा प्रदान गर्छ। यो फोन टाइटेनियम सिल्भर, निलो र कालो रङहरूमा उपलब्ध रहेको कम्पनिले जनाएको छ।

त्यस्तै अर्को मोडेल पोको एफ ७ प्रो  ५ जि  मा मिडियाटेक डाइमेन्सिटी ८४०० अल्ट्रा चिपसेट (४ एनएम ) छ, जसमा अक्टा-कोर ३.२५ गिगाहर्ज प्रोसेसर छ। ६.६७ इन्चको क्रिस्टलरेस एमोलेड डिस्प्ले (१२० हर्ज रिफ्रेस रेट) सँगै ६००० मेगााहर्ज ब्याट्री र ९० वाट हाइपरचार्ज फिचर रहेको बताइएको छ । एन्ड्रोइड १५ र हाइपर ओ एस २ मा आधारित यो फोन १२ जिवि र्याम + ५१२ जिवि  रोमसँगै आउँछ। स्टेरियो स्पिकरहरू र हाई-रेस अडियो सपोर्टसँगै क्यामेरामा वाइड र अल्ट्रावाइड लेन्सहरूको डुअल सेटअपको सुविधा छ। यो कालो, हरियो र पहेंलो रङहरूमा उपलब्ध छ। यसमा पनि आइपि ६८ रेटिङ छ, जसले पानी र धुलोबाट सुरक्षा प्रदान गर्ने  कम्पनीको दाबी छ।

त्यसैगरि पोको एफ ७ प्रो ५ जीमा क्वालकम एसएम ८७३५ स्नापड्रागन ८ एस जेन ४ प्रोसेसर ( ४ एनएम ) छ, जसमा अक्टा-कोर (अक्टा कोर) ३.२१ गिगाहर्ज छ। ६.८३ इन्चको १.५ के एमोलेड अल्ट्रा-ब्राइट डिस्प्ले (१२० हर्ज) सँगै ६५०० मेगाहर्ज ब्याट्री, ९० वाट वायर्ड चार्जिङ र २२.५ वाट रिभर्स वायर चार्जिङ फिचर छन्। एन्ड्रोइड १५ मा आधारित यो फोन १२ जिवि र्याम+ ५१२ जिवि रोमसँगै आउने कम्पनिले बताएको छ।

स्टेरियो स्पिकरहरूसँगै क्यामेरामा वाइड र अल्ट्रावाइड लेन्सहरू छन्। सिल्भर रङमा उपलब्ध यो मोडेलमा पनि आइपि ६८ रेटिङको सुविधा भएकाले पानी र धुलोबाट सुरक्षा प्रदान गर्ने  कम्पनिले जनाएको छ।

यी तीनै मोडेलहरूमा अगाडि सिंगल सेल्फी क्यामेराहरू छन्, जसले उच्च गुणस्तरको सेल्फी र भिडियो कलिङको सुविधा प्रदान गर्ने  बताइएको  छ । टेलिटक प्राइभेट लिमिटेडसँगको साझेदारीले पोकोका उत्पादनहरू देशभरका बजारमा सहज रुपमा उपलब्ध हुने र बिक्रीपछि भरपर्दो सेवा प्रदान गर्ने कम्पनीको अपेक्षा छ।

कम्पनीले पोको  एक्स ७ प्रोको बजार मूल्य रु. ५५ हजार ९ सय ९९ तोकेको छ। कम्पनीका अनुसार, त्यस्तै पोको एफ ७ को मूल्य रु. ६९ हजार ९ सय ९९ र पोको एफ ८ प्रोको रु. ९९ हजार ९ सय ९९ मूल्य तोकिएको छ। उपभोक्ताको हितलाई मध्यनजर गर्दै पोकोले ९ महिनासम्म ईएमआईको सुविधा पनि दिएको छ भने सबै मोडेलहरूमा १ वर्षको ब्रान्ड वारेन्टी सुविधासमेत रहेको जनाइएको छ । पोकोका यी नयाँ स्मार्टफोनहरू टेलिटकका आधिकारिक शोरूम तथा आउटलेटहरूमा उपलब्ध रहेको  कम्पनिले  बताएको  छ।