काठमाडौं । आज नेपाली बजारमा सुनचाँदीको मूल्य ह्वातै बढेको छ । सुन आज तोलामा एकैदिन पाँच हजार छ सय रुपैयाँले उकालो लागेको हो। चाँदीको मूल्य पनि तोलामै एकैदिन ३ सय ७५ रुपैयाँ बढेको छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख १० हजार ३ सय रुपैयाँमा कारोबार भईरहेको छ । अघिल्लो दिन ३ लाख ४ हजार ७ सय रुपैयाँमा कारोबार भएको थियो । शुक्रबार छापावाल सुन प्रतितोला ३ लाख ४ हजार ७०० रुपैयाँमा कारोबार भएको थियो

त्यस्तै आज चाँदीको मूल्य पनि बढेको छ । शुक्रबार प्रतितोला ५ हजार ५० रुपैयाँमा कारोबार भएको चाँदीको मूल्य आज ५ हजार ४ सय २५ रुपैयाँमा कारोबार भईरहेको महासंघले जनाएको छ ।