काठमाडौं । आगामी चैत ११ देखि १५ सम्म पोखरामा हुने वाडा अटो शो २०२६ को लागि स्टल बुकिङ खुल्ला गरिएको छ । पोखरा लेकसाइड, तालबाराही चोकस्थित खेल मैदानमा नाडा अटोमोबाइल्स एसोसिएसन अफ नेपालको प्रस्तुतिमा पश्चिमाञ्चल अटोमोबाइल डिलर्स एसोसिएसन (वाडा) द्वारा नाडा प्रेजेन्ट्स वाडा अटो शो २०२६ को आयोजना गरिने भएको बताइएको छ ।

पहिलो संस्करणको अपार सफलता पछि, सवारी साधन खरिद बिक्री एवं यस क्षेत्रमा भइरहेका आधुनिक प्रविधि विकास तर्फ सवारी धनी, सम्भावित ग्राहक एवं आम सर्वसाधारणको रुचिलाई ध्यानमा राखी पर्यटकीय राजधानी सुन्दर नगरी पोखरामा दोस्रो पल्ट उक्त अटो शो हुन लागेको जनाइएको छ ।

सम्पूर्ण साना, मझौला तथा ठूला सवारी साधन, पार्टपुर्जा, लुब्रिकेन्ट, टायर तथा अन्य सबै सरोकारवाला व्यवसायी कम्पनीहरूलाई सहभागी हुन आवहान गर्दै आज अर्थात फागुन १२ गते देखि १९ गते सम्म प्रदर्शनीका लागि स्टल बुकिङ खुल्ला गरिएको वाडाले जनाएको छ ।

प्रदर्शनीको व्यवस्थापन ग्लोबल एक्स्पोजिसन एन्ड म्यानेजमेन्ट सर्भिसेज प्रालिले गर्नेछ भने स्टल बुकिङका लागि इच्छुक कम्पनी र संस्थाहरूले eventsgems@gmail.com वा ९८०१५४१५३८ मा सम्पर्क गरी जानकारी लिन सक्ने बताइएको छ ।