ढुँगेल पक्राउलाई एमालेले स्वागत गर्नुपरेको कारण

काठमाडौं, १४ कार्तिक । नेकपा एमालेका नेता डा. वंशिधर मिश्रले पनि ढुँगेल प्रक्राउ प्रकरणलाई आफ्नो पार्टीले स्वागत गरेको स्पष्ट पारे । उनले भने,‘सम्मानित सर्वोच्च अदालतको आदेश अनुसार नै ढुँगेललाई पक्राउ गरिएको छ, यसलाई हामीले स्वागत नै गरेका छौं, यसको विपक्षमा हाम्रो पार्टी छैन्।’रिपोर्टर्स क्लब नेपालले मंगलबार आयोजना गरेको साक्षात्कारमा नेता मिश्रले तोकिएकै मितिमा निर्वाचन हुने बताउँदै एमाले–माओवादी केन्द्रवीच बनेको गठबन्धनबाट कोही पनि आँत्तिनुपर्ने अवस्था नएको जिकिर गरे । उनले भने,‘यो हाम्रो गठबन्धन एकदलीय अधिनायकवादको लागि होईन, यो समृद्धि र स्थायित्वको लागि हो।’
क्लबका सभापति ऋषि धमलाको सभापतित्वमा आयोजित साक्षात्कारमा एमाले विकासको बाधक भनेर कांग्रेसले घोषणापत्रमै लगाएको आरोप नै गलत भएको जिकिर गर्दै मिश्रले भने,‘नेपालमा न कहिल्यै कम्युनिष्ट शासन आउँछ, न हामी लोकतन्त्रको विपक्षमा उभिन सक्छौं, त्यसैले हामीलाई विकासको बाधक भन्नु नै गलत आरोप हो।’त्यस्तै उनले फरक प्रसँगमा क्लबका सभापति ऋषि धमला मुलुककै साझा व्यक्ति भएको कुरा मधेशका उनको क्रेज देखेर नै पुष्टि भएको जनाए ।
उनले भने,‘ऋषिजी धादिङमा जन्मिएको मानिस आज सिँगो तराई मधेशमा समेत उहाँको व्यापक ठूलो क्रेज छ, उहाँलाई साझा उम्मेद्धवार बनाउनुपर्छ, मेरो उहाँप्रति व्यक्तिगत रुपमा समर्थन छ, तर हाम्रो गठबन्धनबाट चुनाव उठाउनेबारे म पनि कुरा लैजान्छु, गठबन्धनले कस्तो निर्णय लिन्छ त्यो हेरौं।’
उनले पत्रकार धमलालाई कांग्रेसले टिकट दिएपनि वा धमलाले आँफै लिएपनि आफूहरुलाई कुनै आपत्ति नभएको भन्दै धमलालाई समर्थन गर्न आफू कुनै कसर बाँकी नराख्ने प्रतिबद्धता जनाए ।
मिश्रले पत्रकार धमलाले लोकतान्त्रिक आन्दोलनको बेला अग्रपँत्तिमा रहेर काम गरेको र विधिको शासन र प्रेस स्वतन्त्रताको लागि सडकमा आएर भूमिका खेलेको स्मरण गर्दै भने,‘ऋषिजी सिँगो राष्ट्रको सम्पत्ति हो, उहाँलाई सबै पार्टीले सम्मान गर्नुपर्छ, साझा उम्मेद्धवारको रुपमा अघि बढाउनुपर्छ, उहाँ त मधेशी जनताहरुको बीचमा लोकप्रिय हुनुहुन्छ।’