बर्षा,अनुप,प्रशान्त लगायतको अभिनय रहेको चलचित्र “जय शम्भु” भदौ १ गतेबाट

नेपाली चलचित्र जय शम्भु यहि भदौं १ गतेदेखि देशभर प्रदर्शनमा आउँदैछ ।

चलचित्र प्रदर्शनीको मिति नजिकिए संगै चलचित्र जय शम्भुका टोली प्रचार प्रसारमा व्यस्त भएका छन् ।

दिनेश शाही प्रस्तुतकर्ता रहेको जय शम्भुमा अरविन्द्रमान शाक्य निर्माताको रुपमा रहेका छन् भने चक्र पाख्रिन कार्यकारी निर्माताको रुपमा रहेका छन् । यस्तै सह निर्माताहरु कुशल शर्माा र शिक्षा काफ्ले हुन् । फिल्मलाई रुपेश तामाङले निर्देशन गरेका हुन् ।

फिल्ममा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ । फिल्ममा प्रशान्त, अनुप र बर्षासँगै रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना आदको मूख्य भुमिका रहेको छ । फिल्मलाई राजधानीमा बिके फिल्मका गोपाल काजी कायस्थ र काठमाडौं बाहिर एफडि कम्पनीले वितरण गर्ने भएका छन् ।

पूर्ण रुपमा एक्सन र प्रेम कथामा आधारित यो चलचित्रमा प्राय सबै चलचित्रमा भिलेनको भुमिकामा देखिने अनुप विक्रम शाहि लाई फरक भुमिकामा देख्न सकिने छ ।