नेपाल जेसिजको रास्ट्रीय उपाध्यक्षमा जेसी आशिस शर्माको उम्मेदवारी |

नेपाल जेसिज को ४५ औ महाधिबेशन यहि पुस ७ गते देखि १० गते सम्म जनकपुरमा हुदैछ । उक्त महाधिबेशनले सन् २०१९ को लागि रास्ट्रीय पदाधिकारीहरुको चयन गर्नेछ । उक्त महाधिबेशन मा सन् २०१९ को लागि रास्ट्रीय उपाध्यक्ष पदका लागि जे सी आइ गोदावरीले जेसी आशिस शर्मा लाई आफ्नो उम्मेदवार बनाएको छ । कपन काठमाण्डौका स्थाई बासिन्दा जेसी आशिस शर्मा जे सी आइ गोदावरीका सन् २०१८ का अध्यक्ष हुनुहुन्छ ।

व्यवसायिक रुपमा जेसी आशिस शर्मा सूचना प्रबिधि बिशेषज्ञ हुनुहुन्छ | उहाको सूचना प्रबिधि क्षेत्रमा काम गरेको एक दशक भन्दा लामो अनुभव रहेको छ | उहा हाल निजि क्षेत्र को टेलिकम इनसेल प्रा लि मा बरिस्ठ बिशेशज्ञ हुनुहुन्छ । बिश्वबिख्यात कम्पनीहरु रसियाको सिबोस , टर्कीको गानटेक , चीनको हुवावे र जेडटीइ लगाएतका कम्पनि हरुसंग सहकार्य र बिभिन्न परियोजनाहरुको नेतृत्व गरेको लामो अनुभव छ ।

शैक्षिक योग्यतामा सूचना प्रबिधि र बिज्ञान बिषयमा बिसिस्ट श्रेणीमा र त्रिभुवन बिश्वबिध्यालयबाट प्रथम श्रेणीमा एमबिए गर्दै दोहोरो स्नातकोत्तर गर्नुभएको छ । व्यवसायिक र शैक्षिक योग्यताले निपुण जे सी आशिष शर्मा सन् २०१० मा साधारण सदस्य देखि गोदावरी जेसिज बाट आफ्नो जेसिज यात्राको थालनी गर्नु भएको हो ।

जेसिज जीवनलाई निरन्तरता दिदै गोदावरी जेसिजमा २०१२ मा तालिम संयोजक , २०१३ मा महासचिव , २०१४ मा बरिस्ठ उपाध्यक्ष ,२०१५ मा कोषाध्यक्ष , २०१६ मा कानुनि सल्लाहकार , २०१७ मा कोष व्यवस्थापन अध्यक्ष हुदै २०१८ मा अध्यक्ष चुनिनुभएको हो । यस अर्थमा उहाको जेसिज जीवन मा शाखा संचालनमा सम्पूर्ण अनुभवसहित लामो यात्रा रहेको छ । नेपाल जेसीजको प्रशिक्षक प्रशिक्षण तालिम बाट पनि दीक्षित हुनुहुन्छ ।

शाखा अध्यक्ष भएपछि उहाले विभिन्न परियोजना को सफलता हासिल गर्नुभएको छ । यसै बर्ष श्री दमाइटार सामुदायिक बिद्यालय , गोदावरी का बिध्यार्थिलाई स्कुल झोला तथा शैक्षिक सामग्री उपलब्ध गराउनु अनि श्री दमाइटार सामुदायिक बिद्यालय , गोदावरी मा कम्प्युटर वितरण र इ लाइब्रेरी को स्थापना , “मेरो सदाबहार जन्मदिन” परियोजनाले कर्तब्य , भावना, मनोरंजन को माध्यमबाट वातावरणप्रति योगदान गर्ने जस्ता ठुला परियोजना पनि सुन्य लागतमा सम्पन्न गर्न सकिन्छ भनि प्रयोग गरि उदाहरण देखाउनु भयो । यसको कदर स्वरुप नेपाल जेसिजका रास्ट्रिय अध्यक्ष बाट जुलाई महिना मा गोदावरी जेसिजलाई ” जेसिज ओफ द मन्थ ” बाट पुरस्कृत गराउन सफल हुनुभयो । आर्थिक रुपले कमजोर रहेका शाखा लाई पनि रचनात्मक तरिका बाट सुन्य लागत मा उत्क्रिस्ट कार्य गर्न सकिन्छ भन्ने उदाहरण देखाउनु भएको छ ।

सूचना प्रविधिको आफ्नो दक्षता लाई साखा मा पनि बिस्तार गर्ने क्रमम यस वर्ष गोदावरी जेसिजलाई कागजबिहिन प्रशासनको सफल सुरुवात गरियो । सूचना प्रविधिको अधिकतम प्रयोग गर्न सबै सदस्यलाई अभिप्रेरित गरियो र साखालाई सम्पूर्ण रुपमा प्रविधिमा रुपान्तरित गर्न सफल रहनुभयो ।

यसका अतिरिक्त सन् २०१५ मा गोदावरी जेसिज ले आयोजना गरेको नेपाल जेसिज क्षेत्र ग को अध्यक्षीय भेलाको गोदावरी जेसिज को तर्फबाट संयोजकको जिम्मेवारी सफलतापुर्वक सम्पन्न गर्नुभएको थियो । २०१६ मा गोदावरी जेसिजबाट “शान्तिको लागि साइकाल ” कार्यक्रम आयोजना पनि गर्नुभएको थियो ।

अन्तरास्ट्रिय स्तरमा अन्य जेसिज संग पनि समन्वय र सम्बन्ध राख्दै आफ्ना सदस्यहरुलाई अन्तरास्ट्रिय साखाहरुमा पनि समावेश गर्न सफल हुनुभएको छ ।

सन् २०१३ मा जे सी आइ जेनेभा , जे सी आइ पेरिस संग , सन् २०१४ मा जे सी आइ इस्तानबुलमा आबद्द रहेर काम गर्नुभयो । जे सी आइ ढाका मा बिशेष अतिथिको भूमिका पाउनुभयो । जे सी आइ बैंगलोर गार्डेन सिटि मा आफ्नो सदस्यहरुलाई आबद्द गराई जेसिज अभियान लाई निरन्तरता दिन सदस्यलाई राम्रा बातावरण सिर्जना गराउनुभएको छ ।

जेसिज यात्राकै क्रममा गोदावरी जेसिजका अध्यक्षबाट उत्क्रिस्ट काम गरेर सन् २०१३ मा उत्क्रिस्ट तथा लगनशील सदस्य , सन् २०१७ मा “अध्यक्षीय पुरस्कार” पुरस्कृत हुनु भयो ।

साथै यसै वर्ष नेपाल जेसिजका रास्ट्रिय अध्यक्षबाट जुलाई महिनामा ” जेसिज ओफ द मन्थ ” बाट पुरस्कृत सफल हुनुभयो ।

उहाको रास्ट्रीय उपाध्यक्ष भएपछि जेसिजहरुको व्यक्तिगत बिकास , र व्यवसायिक रुपमा जेसिज लाई सबल बनाउदै सामुदायिक प्रभाव लक्ष्य छ । उहाले जेसिजमा आफ्नो शुचना प्रबिधिको ज्ञान सम्पूर्ण जेसिजहरुलाई तालिम बाट प्रदान गर्ने र यसको अधिकतम प्रयोग गरि नेपाल जेसिजलाई डिजीटल रुपान्तरण गर्ने लक्ष्य रहेको छ ।