महिला डाक्टरको कपडा फेर्ने ठाउँमा भेटियो क्यामेरा, लुगा फेर्दै गरेको भिडियो रेकर्ड

भारतको चन्डीगढस्थित गर्भमेन्ट मेडिकल कलेज एन्ड हस्पिटलको अप्रेसन थिएटरको चेन्जिङ रुममा क्यामेरा राख्ने गरेको खुलेको छ । यस अस्पतालको महिला डाक्टर तथा नर्सले लुगा फेर्ने ठाउँमा मोबाइलको क्यामेरा अन गरेर राख्ने गरेको एक महिला डाक्टरले चाल पाएकी हुन् ।
अस्पतालको मुख्य अप्रेसन थिएटरसँगै रहेको चेन्जिङ रुममा बेलुका साढे ६ बजे अप्रेसन सकेर जब एकजना महिला डाक्टर कपडा फेर्न गइन् । उनले डस्बिनभित्र रुमालसँगै केही राखेको जस्तो देखिन् । रुमालमा गोलो प्वाल समेत पारिएको थियो । उनले जब त्यो रुमाल उठाइन्, भेटियो मोबाइल । त्यो मोबाइलको क्यामेरा अन मुडमा थियो । उनले उक्त जानकारी नर्स र प्रशासनलाई गराइन् । त्यतिन्जेल तीन महिला डाक्टर र एक नर्सको लुगा फेर्दै गरेको भिडियो रेकर्ड भइसकेको थियो ।
यस मामलामा हस्पिटलका डाइरेक्टरलाई भनियो । त्यसपछि करिब नौ बजे मुद्दा दर्ता गरिएको छ ।
फोन अप्रेसन थिएटरमा काम गर्ने स्वीपर निर्मल लालको रहेको बुझिएको छ । प्रहरीले उनको फोनको जाँचका लागि ल्याब पठाएको छ र उनलाई हस्पिटलको कुनै ठूलो मान्छेले नै अश्लिल सामग्री बनाउन उक्साएको हुन सक्ने अनुमान गरिएको छ । किनभने अप्रेसन थिएटरमा उनीबाहेक कुनै काम गर्ने महिला नपठाउने गरिएको बताइएको छ ।
यसअघि पनि कतिपय महिला डाक्टर र नर्सको भिडियो बनिसकेको हुन सक्ने अनुमान गरिएको छ ।
स्रोत – swasthyakhabar.com