सहकारी संस्थाबाट नगद तथा सुन चोरी गर्ने पक्राउ

सहकारी संस्थाबाट नगद तथा सुन चोरी गर्ने काठमाडौं सामाखुशी बस्ने नुवाकोट भाल्चे–९ का २२ वर्षीय तिलक भन्ने राजु तामाङलाई महानगरीय अपराध महाशाखाले मंगलबार सामाखुशीबाट पक्राउ गरेको छ ।
गत वैशाखमा गएको भूकम्पको मौका पारी काठमाडौं महानगरपालिका–२९ सामाखुशी चोकमा संचालित जनमिलन सहकारी संस्थाबाट ७ लाख १ सय ७० रुपैयाँ र सुनका गहना अन्दाजी ४३ तोला चोरी भएको घटनाको अनुसन्धानका तामाङको संलग्नता देखिएपछि प्रहरीले खोजी गरी उनलाई पक्राउ गरेको हो ।
तामाङलाई कानुनी कारबाहीको लागि महाशाखाले महानगरीय प्रहरी परिसर काठमाडौंमा बुझाएको प्रहरीले जनाएको छ ।