दुई लघुवित्त र एक हाइड्रोपावरले छिट्टै आइपिओ ल्याउने

काठमाडौं। मनकामना स्मार्ट लघुवित्त वित्तीय संस्था, जीवन विकास लघुवित्त वित्तीय संस्था र सयपत्री हाइड्रोपावरले प्राथमिक शेयर निष्काशनका लागि नेपाल धितोपत्र बोर्डमा निवेदन दिएका छन्।

मनकामनाले तीन करोड ८९ लाख रुपैयाँको प्राथमिक शेयर निष्काशन गर्न लागेको हो। संस्थाले प्राथमिक शेयर निष्काशनका लागि फागुन १४ गते निवेदन दिएको थियो। प्राथमिक शेयर निष्काशन तथा बिक्री प्रबन्धक एनएमबी क्यापिटल रहेको छ।

जीवन विकास लघुवित्त वित्तीय संस्थाले १९ करोड ७७ लाख ३० हजार रुपैयाँको प्राथमिक शेयर निष्काशन गर्ने भएको हो। संस्थाले प्राथमिक शेयर निष्काशनका लागि फागुन १७ गते बोर्डमा निवेदन दिएको छ। संस्थाको बिक्री प्रवन्धकमा एनएमबी क्यापिटल रहेको छ।

सयपत्री हाइड्रोपावरले ९ करोड रुपैयाँ प्राथमिक शेयर निष्काशनका लागि बोर्डमा निवेदन दिएको हो। कम्पनीले प्रभावित तथा सर्वसाधारणका लागि प्राथमिक शेयर निष्काशन गर्न लागेको हो। कम्पनीको बिक्री प्रवन्धक एनआइविएल एस क्यापिटल रहेको छ।