झापा कन्काई नगरपालिका–३ स्थित स्वतन्त्र बाप्तिष्ट चर्च अगाडी मंगलबार बिहान सकेट बम जस्तो देखिने शंकास्पद बस्तु फेला परी इलाका प्रहरी कार्यलय सुरुङ्गामा ल्याई निरिक्षणका लागि राखेकोे अवस्थामा अचानक पडकिदाँ ३ जना प्रहरी घाइते भएका छन् । घाइते हुनेहरुमा प्रहरी सहायक निरिक्षक देवनाथ यादव, प्रहरी हवल्दार भरत कार्की र प्रहरी जवान केदार पौडेल रहेका छन् । घाइतेहरुको बिर्तामोड अस्पतालमा उपचार भईरहेको नेपाल प्रहरीले जनाएको छ ।
यसैगरी दमक नगरपालिका–१० स्थित ज्योति मण्डली चर्चमा सोमबार अज्ञात समुहले सुतली बम प्रहार गर्दा झ्यालको शिसा र ढोकामा क्षती भएको छ ।
यसैगरी झापा खजुरगाछी–६ स्थित बस्ने पृथ्बीराम मोचेले संचालन गरेको इमानुएल वासलेयान चर्चमा अपरिचित समुहले सोमबार सुतली बम प्रहार गर्दा सामान्य क्षती भएको छ ।
यसैगरी झापा गौरादह–४ स्थित बेरेलहरही चर्चको मेनगेटमा मंगलबार बिहान १ वटा सकेट बम फेला परेको छ । बम डिस्पोजका लागि नेपाली सेनासँग समन्वय गरीरहेको प्रहरीले बताएको छ ।