प्रधानमन्त्री नरेन्द्र मोदीको विशेष दुतको रुपमा दुई दिने भ्रमणको क्रममा आज काठमाडौ आईपुगेका भारतीय विदेश सचिव एस जयशंकरले नेकपा एमालेका बरिष्ठ नेता केपी शर्मा ओलीसँग भेटवार्ता गरेका छन ।
भारतीय राजदुत रञ्जित रेसहित ओली निवास बालकोट पुगेका जयशंकरले एक घण्टासम्म ओलीसँग सामूहिक कुराकानी गरेको थिए । भेटमा भारतीय राजदुर रे, राजदुतवासका डिसिएम विनयकुमार, राजनीतिक चिफ गोपाल कृष्णम र नर्थ हेर्ने अभय ठाकुर सहभागि थिए । दिल्लीबाट आएका उपसचिव र एमाले नेता अग्नी खरेल सहभागि थिए ।
त्यसपछि सबैलाई बाहिर निकालेर ओलीसँग जयशंकरले पौने घण्टा अलग्गै गोप्य बार्ता गरेका थिए ।
भेटमा सहभागि अग्नी खरेलका अनुसार ओलीले ९० प्रतिसत नेपाली जनता र ८५ प्रतिसत सभासदको समर्थनमा आफूहरुले संविधान जारी गर्न लागेकोले यसलाई सबैले स्वागत गर्ने बताउँदै संविधान जारी भएपछि आपसी छलफलमा असन्तुष्टहरुको भागलाई संबोधन गर्ने बताएका थिए