सुनको मूल्यमा सामान्य गिरावट

साताको अन्तिम दिन शुक्रबार नेपाली बजारमा सुनको मूल्यमा सामान्य गिरावट आएको छ । आज सुनको मूल्यमा २ सयले गिरावट आएको छ । शुक्रबार सुन प्रति तोला ९१ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बिहीबार प्रतितोला छापावाला सुनको मूल्य ९१ हजार ५ सय रहेको थियो । त्यस्तै, तेजावी सुनको मूल्य ९० हजार ८ सय रहेको छ । महासंघका अनुसार शुक्रबार चाँदीको मूल्यमा भने स्थिरता छाएको छ । बिहीबर प्रतितोला चाँदीको मूल्य ११ सय ९० रहेको थियो । आज पनि त्यही मूल्य कायम भइ कारोबार भइरहेको महासंघले जनाएको छ ।