तराइमा ग्याँस सिलिण्डर लुटे – जानकारी केन्द्र

महोत्तरीको रघुनाथपुर­ सोमबार बिहान ज.१ त ७४११ नम्बरको ट्याक्टरमा रहेको १ सय थान भरेको ग्याँस सिलिण्डर लुटपाट भएको छ । सर्लाहीको लालबन्दीबाट महोत्तरी सम्सीस्थित सुनिल साहको पसलमा ग्याँस सिलिण्डर लैजाने क्रममा अन्दाजी १०/१२ जनाको समुहले ट्याक्टर चालकलाई कुटपिट गरी ट्याक्टरसहित सिलिण्डर सोनामातर्फ लगेका थिए । प्रहरीले लुटपाट भएको सिलिण्डर खोजी गर्ने क्रममा सोनामा–६ स्थितबाट खाली ट्याक्टर फेला पारेको जानकारी दिएको छ ।
यसै गरि वीरगंज उपमहानगरपासिलका­ रामगडवास्थित सडकमा ना.२ त ७३३९ नम्बरको ट्याक्टरबाट आइतबार ४६ थान जगदम्बा कम्पनिको खाली सिलिण्डर अन्दाजी ४०/५० जनाको समूहले लुटपाट गरी फरार भएका छन् । लुटपाट भएको सिलिण्डर खोजतलास गर्ने क्रममा स्थानियबासीसँग १२ वटा सिलिण्डर फेला पारी नियन्त्रणमा लिएको प्रहरीले जानकारी दिएको छ ।