अत्यावश्यक एलपी ग्यास र पेट्रोलियम पदार्थ रोकेर तत्काल सढ्ने र कुहिने तरकारी फलफूल, माछालगायत समान मात्र नेपालतर्फ पठाउने भारतीय रणनीति विफल पार्न नेपाली भन्सारले कठोर रणनीति अपनाउन थालेको छ ।
सरकारको निर्देशनमा मंगलबारबाट भारतले पठाएका तरकारी फलफूलजस्ता तत्काल सड्ने वस्तु भन्सारमै रोकिएका छन् ।
नयाँ संविधानको विरोधमा मधेसकेन्द्रित दलले जारी राखेको हड्ताल र विरोधलाई बहाना बनाएर भारतले ६ दिनदेखि अघोषित नाकाबन्दी लगाउँदै खाना पकाउने ग्यास र पेट्रोलियम पदार्थ नेपाल निकासीमा रोक लगाउँदै आएको छ । औद्योगिक कच्चा पदार्थ र तयारी वस्तु भने रोकेको छैन ।
आफ्ना व्यापारीलाई फाइदा पुग्ने गरी तकारी र फलफूलजस्ता तत्काल कुहिने वस्तु बोकेका कन्टेनर मात्र नेपाल पठाउँदै आएको छ ।
–नागरिक दैनिकबाट