काठमाडौं । महिन्द्राले आफ्नो नयाँ एसयूभी ‘अल न्यू महिन्द्रा स्कर्पियो–एन’ नेपाल र भारतमा विशेष समारोह गरेर सार्वजनिक गरेको छ ।
सन् २००२मा पहिलो पटक सार्वजनिक भएको स्कर्पियो परिमार्जन हुँदै अब स्मार्ट एसयूभी मोडलसम्म रुपान्तरण भएको छ ।
महन्द्राले स्कर्पियोको नयाँ डिसाइन अल–न्यू स्कर्पियो–एनलाई अनावरण गरेको हो । बहुप्रतिक्षित उक्त एसयूभी सार्वजनिक गर्दै कार्यदक्षता, प्रविधि, क्षमता र नवीन आविष्कार (इनोभेसन) को संयोजन अब्बल रहेको छ ।
त्यस्तै, यो नयाँ ‘ट्विनपिक्स लोगो’ बोक्ने पहिलो एसयूभी भएको जनाइएको छ । अग्नि ग्रुपका प्रबन्ध निर्देशक क्याबिनेट श्रेष्ठले स्कर्पियोको नयाँ अवतारले ग्राहकलाई खुसी पार्न तत्पर रहेको बताए ।
स्पकर्पियो–एनमा अत्याधुनिक ड्राइभिङ अनुभव प्याकेज छ । यहाँ हेड–टर्निङ डिजाइन, कमान्डिङ ड्राइभिङ पोजिसन र गज्जबको भित्री साजसज्जासहित पुनर्परिभाषित गरि डी–सेगमेन्ट एसयूभी श्रेणीमा डिजाइन गरिएको छ ।
यसैगरी, कम्पनीले एसयूभी पोर्टफोलियोलाई फरक तुल्याउनका नयाँ लोगो राखिएको जनाएको छ । कम्पनीका अनुसार यसमा राखिएको ‘ट्विन पिक’ लोगो अघि बढेको यस नयाँ दिशाको यात्रा प्रतिनिधित्व गरेको छ ।
स्पकर्पियो–एन इटालीको पिनिनफेरिना र मुम्बईस्थित महिन्द्रा इन्डिया डिजाइन स्टुडियो (एमआईडीएस) मा डिजाइन गरिएको हो । त्यस्तै, संयुक्त राज्य अमेरिकाको महिन्द्रा नर्थ अमेरिकन टेक्निकल सेन्टर(एमआरभी) र चेन्नईमा विशेषज्ञ टिमले इन्जिनियरिङ गरेको छ ।
यो नयाँ एसयुभि आकर्षक मात्रै छैन, यसमा सवारी गर्नेका लागि सुविधा सम्पन्न र सुरक्षित पनि छ ।
स्पकर्पियो–एनको बनोटमा क्रोम ट्यालोन ग्रिल प्रयोग भएको छ । सिग्नेचर डुआल ब्यारेल हेडल्याम्प र ‘टल स्ट्याक्स एलईडी टेल ल्याम्प’ पनि पाइन्छ । पार्किङका लागि रियर क्यामेरा छ । झ्यालममा मेटालिक सिग्नेचर टेल इलिमेन्ट छ । डायमन्ड कट एलोए ह्विल र एलईडी प्रोजेक्टर फग ल्याम्प पनि राखिएको छ ।
ककपिटः
एसयुभिमा उत्कृष्ट कमाण्ड सिट पोजिसन, बलियो मेटल फिनिस्ड डुअल रेलमा घेरिएको सेन्टर कन्सोल, उन्नत इन्फोटेनमेन्ट रहेको छ ।
ड्यासबोर्डमा मोबाइलबाटै ककपिट कन्ट्रोल गर्न सकिने ‘एड्रोनो–एक्स’ समाहित छ । २०.२३ सीएमको आकर्षक इन्फाटेन्मेन्ट स्त्रिmन छ । जीपीएस नेभिगेनस, ब्लुटुथसहितको यो सिस्टमले एन्ड्रोइड अटो, एप कारप्ले लगायत पनि सपोर्ट गर्छ । वायरलेस चार्जिङसहित सबै सुविधालाई ताररहित बनाइएको छ ।
स्कोर्यियो(एनमा मौसम र तापमान अनुकुल काम गर्ने एसी सिस्टम छ । रियर एसीको सुविधा पनि छ ।
यसमा ६ तिरकाले एडजस्ट गर्न सकिने पावर सिटहरु छन् । यसमा ब्ल्याक कफी लेदरेट इन्टेरियर थिम प्रयोग भएको छ ।
इन्जिन र विशेषताहरुः
यो फोरह्विल गाडीको इन्जिन निकै शक्तिसाली छ ।क्लास लिडिङ, संरचनात्मक कठोरता, अफ–रोड क्षमता र उदाहरणीय अन–रोड व्यवहारको लागि यो गाडी चिनिने कम्पनीको दावी छ ।
यसमा ६ स्पीड म्यानुअलको अतिरिक्त अटोमेटिक संस्करण पनि आएको छ । एसयुभिमा २०० बीएचपी २.० लिटर पेट्रोल इन्जिन र १७५ बीएचपी २.२ लिटर डिजेल इन्जिन छ । जसले क्रमशः ३२० र ४०० एनएमको टर्क उत्सर्जन गर्छ । पेट्रोल इन्जिनले १४९.१४ किलोवाट पावर (२०३ पीएस) र ३८० एनएम टर्क उत्सर्जन गर्छ ।
गाडीलाई तीन वटा मोडः जीज–ज्याप र जुममा कुदाउन सकिन्छ ।
सुरक्षिाका सुविधा
स्कर्पियो–एनमा ६ वटा एयरब्याग, एडभान्स ईएससी, ड्राइभर ड्रोजिनेस डिटेक्सन, एडभान्स्ड सिट रिस्ट्रेन्स, कोलेप्सिबल स्टेयरिङ लगायतका सुरक्षा सुविधाहरू छन् ।
आरामदायी सस्पेन्सन सिस्टमका साथै यात्रा गुणस्तरको लागि फ्रिक्वेन्सी डिपेन्डेन्ट ड्याम्पिङ र एमटीभी–सीएल टेकबाट पनि रहेको छ । साथै, अफरोडका लागि ४ उच्च र ४ निम्न गेयर अप्सन छ ।
