ईण्डिन आयल कर्पोरेसन सँग आयल निगमले क्षतिपूर्ति माग्यो

नेपाल आयल निगमले ईण्डिन आयल कर्पोरेसन (आईओसी) पत्र पठाएर तेल नपठाएको समयमा निगमलाई परेको क्षतिको क्षतिपूर्ति माग गरको छ । निगमले आज कर्पोरेसनका मुम्बइका प्रबन्ध निर्देशकलाई पत्र पठाएर त्यस्तो माग गरेको हो ।
निगमले सन २०१२ अप्रिल २७ मा भएको आपूर्ति सम्झौता विपरित भारतीय आयल कर्पोरेसनले काम गरेको आरोप गर्दै इन्धन आपूर्ति नगर्दा त्यसले निगमलाई गरेको घाटा र कम्पनीमाथिको साखमा असर परेको भन्दै पत्र काटेको हो ।
निगमले आईओसीलाई यसअघि तेल आपूर्ति गर्न आग्रह गरेपछि आईओसीले त्यो आग्रहलाई बेवास्ता गर्दै न्यून परिमाणमा मात्रै तेल दिन थालेपछि निगम रुष्ट बनेको हो ।
उसले सिमा क्षेत्रमा असुरक्षा नभएको भनि भारतीय आयल कर्पोरेसनले गरेको तर्कलाई खारेज गर्दै ४० वर्षदेखिको सम्बन्ध दोवाटोमा आईपुगेको चेतावनी दिएको छ ।