सरकारले भारतीय कम्पनी इन्फ्रास्टक्चर लिजिङ एन्ड फाइनान्सियल सर्भिसेस लिमिटेडसँग सम्झौताको अन्तिम तयारी भईरहेको काठमाडौ फाष्ट ट्रयाकलाई एमाले र एमाओवादीले समर्थन गरेनन ।
प्रधानमन्त्री निवास बालुवाटारमा भएको तीन दलको बैठकमा प्रधानमन्त्री शुशिल कोईराला, मन्त्रीहरु, कांग्रेस नेता शेर बहादुर देउवा, रामचन्द्र पौडेल एमालेका तर्फबाट माधब नेपाल, झलनाथ खनाल, भिम रावल र एकिकृत नेकपा माओवादीबाट अध्यक्ष पुष्पकमल दाहाल र शक्ति बहादुर बस्नेत उपस्थीत थिए ।
बैठकमा एमालेले व्यवस्थापिका संसदका समितिहरु र विज्ञहरुले सम्झौता गलत भएकोले यसलाई यथास्थितिमा सहमति गर्न नहुने अडान लिएका थिए ।
एमाओवादी अध्यक्ष प्रचण्डले राष्ट्रहित भएमात्रै प्रक्रिया अगाडि बढाउनु पर्ने,े हालका व्यवस्थाहरु अनुसार सम्झौता बढाउन नसक्ने धारणा राखेका थिए । उपप्रधान मन्त्री बामदेब गौतमले नयाँ सरकार गठनको पुर्वसध्यामा राष्ट्रिय महत्वको विषय अघि बढाउन नहुने तर्क गरेका थिए ।
सो विषयमा काग्रेस पनि विभाजित बनेको थियो । बरिष्ठ नेता शेरबहादुर देउवाले सम्झौता अगाडि बढाउनु पर्ने बताए पनि उपसभापति रामचन्द्र पौडेले यथास्थितिमा सम्झौता राष्ट्र हित नहुने बताएका थिए ।