आजदेखि एक हप्ता काठमाडौंको फोहोर नउठ्ने

काठमाडौं । काठमाडौंमा फोहोर संकलन अनियमित भइरहेकै समयमा आजबाट एक हप्ता फोहोर नउठ्ने जनाइएको छ ।

काठमाडौं महानगरपालिकाले जारी गरेको सूचनामा नुवाकोटको सिसडोलदेखि बञ्चरेडाँडा ल्यान्डफिल साइटसम्म जाने करिब दुई किलोमिटर बाटो मर्मत भइरहेकोले एक साता फोहोर व्यवस्थापनको काम रोकिएको उल्लेख छ । जसकारण, एक सातालाई उपत्यकाको फोहोर संकलन नहुने भएको हो ।

यसअघि पनि बाटो मर्मतकै कारण विहान ४ बजेदेखि दिउँसो १२ बजेसम्म मात्रै ल्यान्डफिल साइट खुल्ने गरेको थियो । जसकारण उपत्यकाको फोहोर नियमित उठाइएको थिएन ।