नेपाल स्थित भारतीय दूतावासले इन्धनको अभाव भएको भन्दै नेपाल सरकार संग तेल माग गरेको खबर आएपछि बुधवार  नेपाली  युवाहरू दूतावासलाई पेट्रोल ‘दान’ गर्न लैनचौरमा जम्मा भएका थिए  राष्ट्रिय झण्डा र बोतलमा पेट्रोलियम पदार्थ बोकेका युवाहरुले तेल चाहिन्छ लैजाउ, स्वाभिमान दिन्नौं लगायत नारा लेखिएका प्लेकार्ड बोकेका थिए । सामाजिक सञ्जालमा सक्रिय युवाहरुको अगुवाइमा उनीहरु विरोध जनाउन दुतावास पुगेका हुन ।आपूर्ति बन्द भएसँगै तेलको अभावले सर्वसाधारण नेपालीको जनजीवन कस्टकर बन्दै गएको अवस्थामा भारतीय दूतावासले मंगलबार  निगमसँग १०० देखि १५० लिटर तेल उपलब्ध गराउन पत्र लेखेको थियो।

भारतीय दूतावासलाई पेट्रोल दान गर्न लैनचौरमा भेला भइरहँदा बुधबार दिनभर ट्विटरमा  ह्यासट्याग #DonateOilToIndianEmbassy ट्रेन्डिङ भइरहेको थियो उनीहरुले भारतीय दादागिरीको एकजुट भएर सामना गर्न राजनीतिक नेतृत्वलाई सचेत समेत गराएका थिए