सेयर बजारमा करेक्सन, ३ अर्ब ७० करोडको कारोबार

काठमाडौं । आज मंगलबार नेपाली सेयर बजारमा करेक्सन देखिएको छ ।

आज मंगलबार सेयर कारोबार मापक नेप्से परिसूचक ४४.८० अंकले घटेर २०८८.१६ विन्दुमा पुगेको छ । जहाँ नेप्से २.१० प्रतिशतले घटेको छ । सेन्सेटिभ परिसूचक पनि आज ८.९९ अंकले घटेर ३९८.३९ विन्दुमा पुगेको छ ।

यस दिन कूल २२२ वटा कम्पनीको ८७ लाख ४० हजार ५५१ कित्ता सेयर खरिदबिक्री भई ३ अर्ब ७० करोड ४९ लाख ९८ हजार ३९८ रूपैयाँको कारोबार भएको छ । कारोबार भएका कूल १३ उपसमूहमध्ये आज सबै उपसमूहको सेयर घटेको छ । जहाँ सबैभन्दा धेरै अन्य उपसमूह घटेको छ ।

मंगलबार पनि शिवम् सिमेन्टको १९ करोड ३६ लाख ६७ हजार रूपैयाँको सर्वाधिक कारोबार भएको छ । त्यस्तै, आज मल्टीपर्पस फाइनान्स कम्पनी लिमिटेडका लगानीकर्ताले सर्वाधिक नाफा कमाएका छन् । उक्त कम्पनीको सेयरमूल्य ९.३२ प्रतिशतले बढेर ३३२ रूपैयाँ पुगेको छ ।

आज गणपति लघुवित्त वित्तीय संस्था लिमिटेडको सेयरमूल्य सबैभन्दा धेरै ६.८२ प्रतिशतले घटेर प्रतिकित्ता १ हजार २५ रूपैयाँमा झरेको छ ।

विश्लेषकहरुले हालको करेक्शन लगानीकर्ताहरुले नाफा बुक गर्दा आएको बताएका छन् । यसअघि तल्लो विन्दुमा सेयर किनेका लगानीकर्ताले हाल सेयर बेचेर नाफा लिएको कारण यस्तो भएको जनाइएको छ ।