काठमाडौं । सहकारी विभागमा गौतमीश्री बहुउद्धेशीय सहकारी संस्था लिमिटेडविरुद्ध उजुरी दिनेको भीड लागेको छ ।

नयाँ बानेश्वरमा रहेको सहकारी विभाग तथा अनुसन्धान केन्द्रमा कुलेश्वरस्थित रामबहादुर गौतमले सञ्चालन गरेको सहकारीविरुद्ध उजुरी दिनेको भीड लागेको छ । सहकारीले वचतकर्ताको पैसा लिएर भागेपछि करिब ३ सय जना वचतकर्ता उजुरी दिन पुगेका थिए । वचतकर्ताहरुले सहकारीले एक हप्ताअघि सूचना जारी गरी एक साता सहकारी बिदा हुने जानाएका छन् । त्यस्तै, सहकारीका अध्यक्ष गौतम हप्तादेखि नै सम्पर्कविहीन छन् ।

यसैगरी, एभरेष्ट बैंकले सहकारीमा ताला लाग्नासाथ सहकारीको भवनमा नै सिल गरिदिएपछि बचतकर्ता विभाग पुग्न बाध्य भएका हुन् । बचतकर्ताहरू विभाग धाउनअघि शुक्रबार विहान कालिमाटी प्रहरी प्रशासनमा उजुरी दिन गएका थिए । प्रहरीले उजुरी लिन नमानेपछि विभागमा पुगेको उनीहरुको भनाई छ ।