शेयर बजारमा गयो पहिरो, नेप्सेमा ३८ अंकको गिरावट

काठमाडौं । आज बिहिबार शेयर बजार मापक नेप्से परिसूचक ३८.६१ अंकले घटेर २,१४८.१६ को विन्दुमा रोकिएको छ ।

यस दिन १९ कम्पनी शेयरमुल्य बढेको छ भने १६१ कम्पनीको शेयर मुल्य घटेको छ । आज सबै उपसूचक घटेका छन् । आज दिनभरिमा २१५ कम्पनीको ८५ लाख ६९ हजार ५ कित्ता शेयर खरिदबिक्री भई ३ अर्ब ७६ करोड ८० लाख ७९ हजार रुपैयाँको कारोबार भएको छ ।

आज सबैभन्दा धेरै शिवम् सिमेन्टको कारोबार भएको छ । कम्पनीको २५ करोड २२ लाख रुपैयाँको शेयर कारोबार भएको छ । हिमालयन डिष्टिलरीको १३ करोड १७ लाख रुपैयाँको शेयर कारोबार भएको छ । अपि पावर कम्पनीको १२ करोड ७९ लाख रुपैयाँको शेयर कारोबार भएको छ । आज सबैभन्दा धेरै बलेफी हाइड्रोपावर कम्पनीका लगानीकर्ताले कमाएका छन् ।

कम्पनीका लगानीकर्ताले ९.९८ प्रतिशतका दरले कमाएका छन् । सामलिङ पावर कम्पनीका लगानीकताले ५.३९ प्रतिशतका दरले कमाएका छन् । रिभर फल्स पावर कम्पनीका लगानीकर्ताले ५.३५ प्रतिशतका दरले कमाएका छन् । विन्ध्यवासी हाइड्रोपावर कम्पनीका लगानीकर्ताले ४ प्रतिशतका दरले कमाएका छन् ।

आज सबैभन्दा धेरै यूनाइटेड इदी मर्दिका लगानीकर्ताले गुमाएका छन् । कम्पनीका लगानीकर्ताले ९.५२ प्रतिशतका दरले गुमाएका छन् ।