सिरियल किलर शोभराजलाई जेल मुक्त गरी ‘डिपोर्ट’ गर्न सर्वोच्चको आदेश

काठमाडौँ । सर्वोच्च अदालतले सिरियल किलरको रुपमा चार्चित अपराधी चाल्र्स शोभरजलाई छाड्न आदेश दिएको छ । न्यायाधीश सपना प्रधान मल्ल र तिल प्रसाद श्रेष्ठको संयुक्त इजलासले उनलाई कैदबाट मुक्त गर्न आदेश दिएको हो ।

यस्तै, आदेश भएसँगै १५ दिनभित्र उनको आफ्नो देश फर्काउन आवश्यक व्यवस्था मिलाउन निर्देशन दिएको छ । आदेशमा वृद्धको सुविधा दिएर छाड्न भनिएको छ । शोभराजले गृह मन्त्रालय, कारागार व्यवस्थापन विभाग लगायतलाई विपक्षी बनाई रिट दायर गरेका थिए । उनी हत्याको आरोपमा जेलमा रहँदै आएका थिए ।

हत्यासहितका विभिन्न अपराधमा सजाय काटिरहेका शोभराजलाई रिहा गर्न सर्वोच्च अदालतले बुधबार आदेश दिएको हो । ज्येष्ठ नागरिकलाई दिइँदै आएको कैद छुटको सुविधा चाल्र्स शोभराजले पनि पाउनुपर्ने भन्दै बन्दी प्रत्यक्षीकरणको रिट परेको थियो । कुख्यात अपराधी शोभराजलाई रिहा गर्न भन्दै २०७७ पुसमै बन्दी प्रत्यक्षीकरण रिट परेको थियो ।

करिब एक वर्षपछि मात्रै उनी जेलबाट रिहा भएर देश फर्किने भएका हुन् । ७८ वर्षीय शोभराजले २०७७ पुस ७ गते कैद छुटको माग गर्दै रिट दायर गरेका थिए । जेष्ठ नागरिक ऐन अनुसार ७५ वर्ष पूरा भएकालाई ७५ प्रतिशत कैद छुट दिइने व्यवस्था छ ।