सुनको भाउ अहिलेसम्मकै धेरै, तोलाकै १ लाख १० हजार

काठमाडौँ । अन्तर्राष्ट्रिय बजारमा बढ्दो अस्थिरता र बेरोजगारीलगायतका कारणले सुनको मूल्य अहिलेसम्मकै उच्च भएको छ। आइतबार एकै दिन तोलाको २ हजार ९ सय रुपैयाँले बढेको हो। एकै दिन झन्डै तीन हजार रुपैयाँले बढेपछि सुनको भाउ एक लाख १० हजार रुपैयाँमा पुगेको छ।

भाउ अझै बढ्न सक्ने सङ्केत देखिएको नेपाल सुन चाँदी व्यवसायी महासङ्घले जनाएको छ। अन्तर्राष्ट्रिय बजारमा बढ्दो अस्थिरता, बेरोजगारीलगायतका कारण सुनको भाउ बढेको हो ।

यसअघि गएको माघ १९ गते सुनको भाउ अहिलेसम्मकै उच्च तोलामा एक लाख ७ हजार ५ रुपैयाँ पुगेको थियो। त्यसयता भने केही घटेको भाउ फेरि लगातार बढिरहेको छ।