‘स्नेक वाइन’ भनेको के हो? किन रक्सीको बोतलमा सर्प राखेर पिउछन् मानिस ?

काठमाडौं । मदिराहरू आफ्नो विशेषताका कारण प्रसिद्ध हुन्छन्।

रम, ह्विस्की, भोड्का र वाइनआदि रक्सीका केही प्रकारहरू हुन्। आजसम्म हामीले विभिन्न प्रकारको रक्सी पिएको वा त्यसको बारेमा केही सुनेको हौला। तर, के कहिल्यै सर्पबाट बनेको वाइनको बारेमा सुन्नु भएको छ ? स्वाद लिनुभएको छ ?

वास्तवमा ‘स्नेक वाइन’ वाइन बनाउनको लागि चामल वा अन्य दानाबाट बनाइएको वाइनमा जीवित वा मरेको सर्प छोडिन्छ। यो वाइनको प्रयोग औषधीमा पनि गरिन्छ।

यी देशमा बनाइन्छ
‘स्नेक वाइन’चीनमा बनाइन्छ। यसलाई चिनियाँ भाषामा ‘पिनयिन’ र भियतनामीमा ‘खमेर’ भनिन्छ। यो पहिलो पटक पश्चिमी झोउ राजवंशको समयमा तयार पारिएको थियो। त्यसपछि यो वाइन चीनमा निकै लोकप्रिय भयो।

यो वाइन मुख्यतया औषधीमा प्रयोग गरिन्छ। चीनबाहेक यो वाइन दक्षिणपूर्वी एसिया, उत्तर कोरिया, लाओस, थाइल्याण्ड, भियतनाम, ओकिनावा (जापान) र कम्बोडियामा पनि बनाइन्छ।

धेरै रोगहरूको उपचार
कुष्ठरोग, अत्याधिक पसिना आउनु, कपाल झर्नु, छाला सुख्खा हुनुलगायतका धेरै रोगको उपचार यस वाइनबाट हुने बताइएको छ। परम्परागत चिकित्सामा यसलाई एक टनिकको रूपमा हेरिन्छ।

चीन, जापान, कम्बोडिया, कोरिया, लाओस, ताइवान, भियतनाम र थाइल्याण्डमा तपाईंले यो मदिरा प्रायः सडक छेउका स्टलहरूमा पाउनुहुनेछ।

यसरी हुन्छ तयार
जिउँदो वा मरेको सर्पलाई बोतलमा राखेर त्यसमा चामल, गहुँ वा अन्य दानाको मदिरा हालेर महिनौंसम्म छोडिन्छ।

भियतनामीमा सर्पलाई ‘न्यानोपन’ र पुरुषत्वको प्रतीक मानिन्छ। यस्तो अवस्थामा सर्पबाट बनेको यो वाइन त्यहाँ निकै लोकप्रिय छ। यो त्यहाँ एक शक्तिशाली कामोत्तेजक रूपमा पनि प्रयोग गरिन्छ।