प्रहरीबाट कुटिए त्रिभुवन विमानस्थल अध्यागमन कार्यालय प्रमुख हमाल

काठमाडौं । त्रिभुवन अन्तर्राष्ट्रिय विमानस्थल अध्यागमन कार्यालय प्रमुख गोगनबहादुर हमालमाथि हातपात भएको छ ।

शुक्रबार दिउँसो वाक थ्रुुमा प्रहरीको सुरक्षा जाँच नहुने भन्दै अध्यागमनका अधिकारीहरूले प्रश्न उठाएपछि प्रहरीले अध्यागमन प्रमुखमाथि नै हातपात गरेका हुन्।

वाक थ्रुबाट प्रवेश गरिरहँदा अध्यागमन अधिकृत छाँयालाल मोक्तानले किन हाम्रोमात्रै जीउ खानतलासी हुन्छ ? किन प्रहरीले प्रहरीकै जीउ खानतलासी गर्दैन? भन्दै प्रश्न गरेपछि मोक्तानमाथि प्रहरीले मुक्का प्रहार गरेका थिए।

मोक्तानले आफूमाथि प्रहरीले दुर्व्यवहार गरेको विषय अध्यागमन कार्यालयका प्रमुख गोगनबहादुर हमाललाई बताएका थिए । हमालले वास्तविकता बुझ्न सीसी क्यामेरा हेरेका थिए। सीसी क्यामेरामा स्पष्टरूपमा प्रहरीले अध्यागमन अधिकृत मोक्तानलाई मुक्का प्रहार गरेको देखेपछि यो त प्रहरीले अति गर्‍यो ? भनेर प्रतिक्रिया दिनासाथ त्यहाँ खटिएका प्रहरीले हमालमाथि नै आक्रमण गरेको विमानस्थल स्रोतले जनाएको छ। ।

अहिले दुवै पक्षीच वार्ता भईरहेको र घटनाबारे थप अनुसन्धान भईरहेको विमानस्थल स्रोतले जनाएको छ ।