कसरी हटाउने डण्डीफोरको दाग डब्बा ? यस्ता छन् सहज तरिका

एजेन्सी । अनुहारमा आउने डन्डिफोरको दागले धेरैलाई सताएको हुन्छ । यस्ता दागहरु लामो समयसम्म अनुहारमा रहिरहने भएकाले धेरै व्यक्तीहरु चिन्तित हुन्छन् । कतिपयले यस्तो दाग हटाउनका लागि विभिन्न औषधिको प्रयोग पनि गर्छन् । तर, यस्तो दाग हटाउन लगाउने औषधिले अन्य छालाका समस्याहरु पैदा हुन सक्छ ।

आज हामी यसको उपचार कसरी गर्ने ? भन्ने बारेमा बताउँदैछौं । डण्डीफोरको कारण सामान्यतया दुई थरीको दाग बस्ने गर्दछ । एउटा खाल्डो पर्ने खालको दाग र अर्को भनेको छालाको रङ र परिवर्तन हुने खालको दाग हुन्छ । जसमा कालो खैरो रङको वा रातो खालको दाग बस्ने गर्दछ ।

कालो खैरो रङको वा रातो खालको दाग
कालो खैरो दाग कालो खालकै छालाहरुमा बढी देखिने गर्दछ भने रातो खालको दाग गोरो छाला भएकाहरुमा देखिने गर्दछ । कतिपयमा यी दुवै खालको दाग पनि देखिने गर्दछ । डण्डीफोरले छालामा जलन गराउने हुँदा त्यो ठाउँमा कालो वा खैरो रङको दाग छोड्ने गर्दछ । सामान्यतया यसरी बसेको दाग ६ महिनादेखि एक वर्षसम्म बस्ने गर्दछ ।

अनुहारको छालामा टुथपेष्ट लगाउने, कागती लगाउने कहिल्यै पनि गर्नुहुँदैन । दाग बस्न नदिन वा बसेको दागलाई हटाउने एक उपाय भनेको सनस्क्रिन हो । कालो दाग बस्ने प्रमुख कारण भनेको मेलानिल बढी उत्पादन हुनु हो । घाममा छाला धेरै समय देखियो भने मेलानिलको उत्पादन बढ्छ । त्यसैले घामबाट बच्न सनस्क्रिनको नियमित प्रयोग गर्नु पर्दछ र बाहिर निस्किँदा ह्याट वा क्याप लगाउनु पर्दछ ।

हामी सनस्क्रिम रोज्दा पनि डाक्टरको सल्लाहमा डण्डीफोरलाई हुने खालको सनस्क्रिन रोज्यो भने त्यस्तै समस्या आउँदैन । डण्डीफोरको कालो, खैरो दाग हटाउन भिटामिन सी सहयोगी मानिन्छ । यसले मेलानिल उत्पादन हुने प्रक्रियालाई रोक्दछ । भिटामिन सीमा एन्टिअक्सिडेन्ट पनि पाइने हुँदा यसले घामको असबाट पनि बचाउँछ ।

त्यस्तै अर्को उपचार भनेको हाइड्रोकुइनोन भएका औषधिको प्रयोग गर्नु हो । यो औषधि कालो दाग बस्ने अन्य रोगहरु जस्तै चाँया पोतोमा पनि प्रयोग गरिन्छ । यी औषधिहरुको प्रयोग गर्दा छाला रोग विशेषज्ञको सल्लाहमा मात्र गर्नुपर्दछ । किनभने यी औषधिहरुले सुरु सुरुमा छालामा इरिटेशन गराउने गर्दछ ।

त्यस्तै हामीले नायोसिनामाएड भएका क्रिमहरुको पनि प्रयोग गर्न सक्छौं । यसको प्रमुख फाइदा भनेको भिटामिन ए, भिटामिन सी र हाइड्रकुइनोन जस्तो छालालाई इरिटेशन गर्ने सम्भावना कम हुन्छ । त्यस्तै, नायोसिनामाएड क्रिमहरु पनि यस्तो खालको दागलाई राम्रो मानिन्छ । यसले इन्फ्लामेसनलाई कम गरेर रातो दाग बस्ने सम्भावना कम हुन्छ ।

डन्डिफोरको दाग हटाउन यी चीज प्रयोग गर्नुस् :
घ्युकुमारीको जेल
छालाको देखभाल गर्नका लागि घ्युकुमारी निकै फाइदाजनक मानिन्छ । यसले छालालाई कोमल बनाउँछ । तर, यसले दाग कम गराउँछ । डन्डिफोरको दागमा दैनिक घ्युकुमारी जेल लगाउँदा रातभरीमा दाग हराउँछ ।

टी ट्री तेल
यो तेलमा एन्टिब्याक्टोरियल गुण पाइन्छ । थोरै नरिवलको तेलमा टी ट्री तेल दुई थोपा हालेर मिसाएर दाग भएको ठाउँमा लगाउनुस् । तेल लगाएको १० मिनेटपछि मनतातो पानीले पखाल्नुहोस् ।

ग्रीन टी
अनुहारको लागि ग्रीन टी निकै फाइदाजनक हुन्छ । पानीमा ग्रीन टीको ब्याग हाल्ने र उमाल्ने त्यसपछि पानी चिसो बनाउनुस् । त्यसपछि दागमा लगाउने र केहि समयपछि पानीले पखाल्ने गर्दा अनुहार सफा हुन्छ ।

मह
मह कालो दाग धब्बाका लागि निकै फाइदाजनक हुन्छ । महमा एन्टिब्याक्टेरिल र एन्टिइन्फ्लेमेटरी गुण हुने भएकाले यसले दाग हटाउन निकै सहयोग गर्छ । दाग भएको ठाउँमा एक वा दुई थोपा मह लगाएर रातभर छोड्ने र बिहानै पानीले पखाल्ने गर्दा अनुहार सफा हुँदै जान्छ ।

बरफ
एउटा सफा कपडामा बरफको टुक्रा राख्ने र दागमा चारैतिर घुमाएर लगाउने गर्दा डन्डिफोर कम हुने र त्यसको दुखाई पनि कम हुन्छ ।