महाशिवरात्रिको व्रत कसरी गर्ने ? यस दिन भूलवश पनि नखानुहोस् यी चिज

एजेन्सी । शिवभक्तहरुको प्रतिक्षाको अन्त्य हुन लागेको छ । भोलि महाशिवरात्रि पर्व हर्षोल्लासका साथ मनाइँदैछ । यदि तपाई पहिलो पटक महाशिवरात्रि व्रत राख्न जाँदै हुनुहुन्छ भने तपाईको लागि यो खबर महत्वपूर्ण छ । वास्तवमा यस वर्ष महाशिवरात्रि भोलि शुक्रबार मनाइँदैछ । यस दिन भगवान शंकर र माता पार्वतीको व्रत बस्ने गरिन्छ ।

फागुन महिनामा मनाइने यो महाशिवरात्रिको ठूलो महत्व रहेको छ । यस दिन भोलेनाथको व्रत राखी विधिपूर्वक पूजा गर्नाले मनोकामना पूरा हुने जनविश्वास छ । आज हामी तपाईलाई बताउनेछौं कि यदि तपाई पहिलो पटक महाशिवरात्रि व्रत बस्न लाग्नु भएको छ भने के खाने र के नगर्ने ?

सनातन धर्ममा महाशिवरात्रि पर्व भगवान शिवलाई समर्पित पर्व हो । ज्योतिष पण्डितहरुका अनुसार महाशिवरात्रिको दिन व्रत बस्ने हो भने एकपटक मात्रै फलफूल खानुपर्छ । व्रतमा पिठोको हलुवा खान सकिन्छ ।

के खाने र के नखाने ?
महाशिवरात्रि व्रतमा गहुँ वा चामल बनेका परिकारको उपभोग गर्नुहुँदैन । यसका साथै चामलबाट बनेको चीज पनि खानु हुँदैन । महाशिवरात्रि व्रतको दिन लसुन र प्याज खानु हुँदैन । यस दिन सेतो नुन खानु हुँदैन । यसको सट्टा सिधे नुन खान सकिन्छ ।

महाशिवरात्रिको व्रत गर्नाले भगवान शंकर र माता पार्वती प्रसन्न भई आफ्ना भक्तहरूलाई सुख, शान्ति र वैभवको आशीर्वाद दिन्छन् । यति मात्र होइन महाशिवरात्रिको व्रत राख्नाले वैवाहिक जीवनमा आउने सबै समस्याहरु पनि हट्ने विश्वास गरिन्छ ।