सुनसरी । भोक्राहानर्सिंङ गाउँपालिका-६ उराव टोलबाट अवैध लागूऔषध गाँजा करिब १ सय ६५ किलो शुक्रबार बिहान प्रहरीले बरामद गरेको नेपाल प्रहरीले बताएको छ । प्रहरीका अनुसार प्रहरी चौकी चिरौलीचोकबाट खटिएको प्रहरीले उक्त स्थानमा वेवारिसे अवस्थामा रहेको डब्लुबि ०६ इ ३१७९ नम्बरको भारतीय कारको डिकीमा उक्त परिमाणको गाँजा फेला पारी बरामद गरेको छ। यस सम्बन्धमा प्रहरीले आवश्यक अनुसन्धान गरिरहेको बताइएको छ।