निजामती कर्मचारी अस्पतालले माग्यो १२८ कर्मचारी

काठमाडौं । निजामती कर्मचारी अस्पतालले विभिन्न पदका लागि दरखास्त आह्वान गरेको छ । अस्पतालले आज सूचना जारी गर्दै अस्पतालमा रिक्त रहेका नवौंदेखि चौथो तहसम्मका विभिन्न पदहरूमा स्थायी पदपूर्तिका लागि १२८ जनाका लागि दरखास्त आह्वान गरेको हो।

अस्पतालले आज एक सूचना जारी गर्दै लोक सेवा आयोगबाट प्राप्त सहमति बमोजिम सिनियर रजिष्ट्रार, रजिष्ट्रार, वरिष्ठ डेन्टल सर्जन, फिजियोथेरापिष्ट, रेडियोग्राफी टेक्नोलोजिष्ट, रेडियोथेरापी टेक्निसियन, फार्मेसी सहायक, ल्याब टेक्निसियन, स्टाफ नर्स, बायोमेडिकल टेक्निसियन, प्रशासन सहायक लगायत पदहरूमा विभिन्न सङ्ख्यामा पदपूर्ति गर्नेगरी दरखास्त आह्वान गरेको हो। न्यूनतम योग्यता पुगेका इच्छुक नेपाली नागरिकले असार ६ गतेभित्र आवेदन दिन सक्ने जनाएको छ ।