नेपाली बजारमा मोष्ट अफरडेवल सब-कम्प्याक्ट एस.यु.भी., दायुन युइहु

काठमाडौँ । नाडा अटो शो २०८१ मा सी.जी. मोटर्सले विभिन्न ८ वटा ब्राण्डहरु प्रदर्शनमा राखिएको थियो भने, नाडा अटो शो सकिए लगत्तै सी.जी. मोटर्सले आफ्नो पोर्टफोलियोमा थप नयाँ ब्राण्ड थपेको छ,  चीनमा हेभी ट्रक, लाइट ट्रक, कार, मोटरसाइकल र इन्जिनहरु उत्पादन गर्दै आएको दायुन ग्रुपले चीन बजारको सफलता पश्चात चौधरी ग्रुप अन्तर्गत सी.जी. मोटर्सले दायुन युइहु सब-कम्प्याक्ट एस.यु.भी. नेपाली बजारमा बिक्रि वितरण सुरु गर्न लागेको बताइएको छ ।

नेपाली बजारकै मोष्ट अफरडेवल सब-कम्प्याक्ट एस.यु.भी., दायुन युइहु चाँडै नै सार्वजनिक गर्ने सी.जी. मोटर्सले  जनाएको छ। दायुन युइहु नेपालको बाटोलाई सुहाउँदो र पर्फेक्ट रहेको सी.जी. मोटर्स बताएको छ । दायुन युइहुमा ३९ किलोवाटको मोटर रहेको छ जसले १२५ एन.एम. को टर्क जेनेरेट गर्दछ भने यसमा ३०.६६ किलोवाटआवरको ब्याट्री पाउन सकिन्छ भने उक्त ब्याट्रीले ३०० किलोमिटर भन्दा धेरै रेञ्ज प्रदान गर्दछ भने २०% बाट ८०% चार्ज गर्न डि.सी. चार्जर मार्फत ५४ मिनेट भन्दा कम लाग्ने कम्पनीको दाबि रहेको छ ।

दायुन युइहु सब-कम्प्याक्ट एस.यु.भी. उत्कृष्ट २०१ एम.एम. को ग्राउण्ड क्लियरेन्स पाउन सकिन्छ भने फ्रन्ट एण्ड रियर इन्डिपेन्डेन्ट शस्पेन्शन रहेको हुँदा जस्तोसुकै अफरोड तथा खराब बाटोहरुमा उत्कृष्ट कम्फर्ट र आरामदायी यात्रा हुने कम्पनीले  जनाएको छ। इन्डिपेन्डेन्ट शस्पेन्शन समावेश गरीएको उक्त गाडी यस सेग्मेन्टकै पहिलो रहेको बताइएको छ। ७ इन्चको इन्सट्रुमेन्ट क्लस्टर, किलेश इन्ट्री, टाएर प्रेशर मनिटरीङ्ग सिस्टम, एयरब्याग, ए.बि.एस., इ.बि.डि., हिल स्टार्ट एसीस्ट कन्ट्रोल, अटोमेटिक हेडल्याम्प, वन टच विन्डो, पार्किङ्ग रेडार र क्रुज कन्ट्रोल जस्ता फिचर्सहरु उक्त गाडीमा समावेश गरिएको कम्पनीले बताएको छ ।