बैद्यलाई हटाउँदै बादलको नेतृत्वमा माओवादी क्रान्तिकारी पुर्नगठन

एमाओवादीसँग एकता गर्ने निर्णय
काठमाडौ, १ जेठ । नेकपा क्रान्तिकारी माओवादीका बहुमत केन्द्रीय सदस्यहरुको पार्टी अध्यक्ष मोहन बैद्य किरणलाई हटाउँदै महासचिव रामबहादुर थापा ‘बादल’को नेतृत्वमा केन्द्रीय समिति पुनर्गठन गरेको छ । पुनर्गठित पार्टीको पहिलो केन्द्रीय समितिको बैठक भोलीलाई बोलाईएको छ ।
बैठकले एकीकृत नेकपा माओवादीसँग पार्टी एकता गर्ने निर्णयसमेत गरेको छ । वैद्य समूह एकताको पक्षमा नदेखिएपछि बादल पक्षले एक तर्फी रुपमा आफू पक्षधर केन्द्रीय सदस्यहरुको बेला बोलाएर त्यस्तो निर्णय गरेको हो । आजको बैठकमा १९९ केन्द्रीय सदस्य मध्ये १३० बहुमत सदस्य सहभागि थिए ।
तर नेताहरुले भने अध्यक्ष बैद्यलाई पार्टीबाट निस्कासन नगरिएको र कारवाहीसमेत नगरी केवल पुनर्गठन मात्रै गरिएको दावी गरेका छन । अब बादल नेतृत्वको केन्द्रीय समितिले एकताको प्रक्रियालाई अगाडि बढाउने छ ।