मुम्बई। बलिउड अभिनेता सलमान खानको सुरक्षा थप बढाइएको छ।
यसै सिलसिलामा आइतबार देखी बान्द्रास्थित सलमानको ग्यालेक्सी अपार्टमेन्टको बालकोनीमा मर्मतको काम भइरहेको छ । रिपोर्टका अनुसार उनको र उनको परिवारको सुरक्षालाई ध्यानमा राखेर यो कदम चालिएको हो ।
वास्तवमा केही समयदेखि सलमान खानलाई लरेन्स ग्याङबाट ज्यान मार्ने धम्की आइरहेको छ । पछिल्ला केही वर्षदेखि सलमान खानलाई जेलमा रहेका ग्याङ्स्टर लरेन्स बिश्नोईको नाममा लगातार धम्की आइरहेको हो । लरेन्सले एक टिभी अन्तर्वार्तामा सलमानलाई मार्ने धम्की दिए पछि अनेक हत्कण्डा सुरू भएका छन । सन १९९८ मा सलमानले कालो हरिण शिकार गरेको भन्ने घटनालाई लिएर बिश्नोई समुदाय उनीसँग आक्रोशित रहदैँ आएको छ ।
भारतीय सुरक्षा अधिकारीका अनुसार सलमान खान १० व्यक्तिको सूचीमा रहेका छन, जसलाई जेलमा रहेका ग्याङ्स्टर लरेन्सले मस्ट वान्टेड मानेर ज्यान मार्ने धम्की दिइरहेका छन ।
सोही बिचमा अप्रिल १४, २०२४ मा बिहान ५ बजे बान्द्रास्थित सलमान खानको ग्यालेक्सी अपार्टमेन्ट अगाडि गोलीबारीसमेत भएको थियो। मोटरसाइकलमा आएका दुईजना आक्रमणकारीले उनका घरतर्फ ४ राउण्ड फायर गरेका थिए । गोली चल्दा सलमान खान आफ्नै घरमा बसिरहेका थिए ।
खासमा, सन् २०२३ मा लरेन्स बिश्नोईबाट धम्की आएपछि मात्र सलमान खानको सुरक्षा बढाइएको थियो । उनले महाराष्ट्र सरकारबाट ‘वाई प्लस श्रेणी’ को सुरक्षा पाएका छन्। जसअनुसार यस सुरक्षा घेरामा सलमानसँग सधैं ११ सुरक्षाकर्मी साथमा रहने गरेका छन । जुन समुहमा एक वा दुई कमाण्डो र दुई पीएसओ पनि समावेश थपिएको छ । सलमानको गाडी अगाडी र पछाडि एस्कर्ट गर्नका लागि सधैं दुईवटा गाडी रहने ब्यवस्था गरिएको छ । साथै, सलमान खानको कार पनि पूर्ण रूपमा बुलेटप्रुफ राखिएको छ ।
उनै सलमानको आगामी फिल्म सिकिन्दर आउँदैछ, जसको ट्रिजर हालै रिलिज हुदाँ करोडौं दर्शकले मन पराएका छन ।
