काठमाडौं । एमएडब्लू वृद्धिले माउन्टेन ईभी र टीएमवान उत्साहीहरूका लागि नवप्रवर्तन र एडभेन्चरका नियमहरू नै बदल्ने एक विशेष योजना ल्याएको बताइएको छ। यो अभियानले उन्नतप्रविधि र अतुलनीय फाइदाहरूको नौलो मिश्रणको साथमा ड्राइभिङ र स्वामित्व अनुभवहरूलाई बलियो बनाउने जनाइएको छ।

यस नयाँ योजना अन्तर्गत ग्राहकहरूले विद्युतीय गतिशीलतामा स्विच गर्नका लागि माउन्टेन ईभी र टीएमवान मोडेलहरूमा ८० % सम्मको फाइनान्सिङ सुविधा प्राप्त गर्नेछन्। यस योजनामा माउन्टेन ईभीको लागि ने.रू. ९.९९ लाख र टीएमवानको लागि ने.रू. ५.९९ लाखसम्मको डाउन पेमेन्ट पनि समावेश रहनुका साथै विद्युतीय सवारीसाधनको स्वामित्वलाई अझ पहुँचयोग्य र किफायती बनाउने बताइएको छ।

यसका साथै, ग्राहकहरूले आर्थिक वर्ष २०८१/८२ को लागि एकवर्षको निस्शुल्क बीमा र सडक करमा छुट सहितका विस्तृत सुविधाहरूको आनन्द लिन सक्नेछन्। घरमै सुविधाजनक रूपमा चार्जिङ गर्न उनीहरूले ७ किलोवाटको चार्जर पनि नि:शुल्क पाउनेछन्। यस माथि अझै मूल्य थप यो योजनाले नि:शुल्क सामानहरूका साथै ग्राहकहरूले आफ्नो लगानीबाट अधिकतम मूल्य प्राप्त गर्ने टप-अपबेस्ट भ्यालुएसन बोनस पनि समेट्ने कम्पनीले जनाएको छ।

यो व्यापक प्याकेजले विद्युतीय गतिशीलता प्रवर्द्धन गर्ने र आफ्ना ग्राहकहरूलाई असाधारण मूल्य प्रदान गर्ने एमएडब्लू वृद्धिको प्रतिबद्धतालाई प्रतिबिम्बित गर्दछ। कम्पनीले नेपाली बजारको लागि विद्युतीय सवारी साधनहरूलाई अझ पहुँचयोग्य र किफायती बनाउने लक्ष्य राखेको बताइएको छ। यो अफर सीमित-समयको  लागि माघ १ गतेदेखि माघ ३० गतेसम्म उपलब्ध हुनेछ ।

फोटोन नेपाल र एमएडब्लू वृद्धि समूहको बारेमा
एमएडब्लू वृद्धि अन्तर्गत संचालित फोटोन नेपाल एमएडब्लू समूह र वृद्धि समूह बीचको साझेदारी हो ,जसले नेपालमा सन् २०१४ देखि अन्तर्राष्ट्रिय अटोमोटिभ ब्रान्डहरूको प्रतिनिधित्व गर्दै आएको बताइएको छ। व्यावसायिक र विद्युतीय सवारी साधनहरूमा विशेषज्ञता हासिल गर्दै एमएडब्लू वृद्धिले फोटोन, सोकोन, सेरेस, नामी र चांगान जस्ता ब्रान्डहरूको प्रतिनिधित्व गर्दै भरपर्दो स्टक, पाटपुर्जाको सहज उपलब्धता र गुणस्तरीय सेवा प्रदान गर्दै आएको कम्पनीले बताइएको छ।