शनिको साढेसातीबाट छुटकारा पाउन अपनाउनुहोस् यस्ता उपाय

काठमाडौँ। शनि ग्रहको साढेसाती मानिसको जीवनमा कठिनाइ ल्याउन सक्ने एक ज्योतिषीय अवधिमा आधारित मान्यता हो। शनि ग्रह जब चन्द्र राशिमा, त्यसको अघिल्लो र पछिल्लो राशिमा सात-सात वर्षसम्म भ्रमण गर्छ, तब साढेसातीको समय सुरु हुन्छ।

यस समयमा आर्थिक समस्याहरू, मानसिक तनाव, शारीरिक अस्वस्थता, र सामाजिक समस्याहरू उत्पन्न हुन सक्छन्। यद्यपि, सही उपाय र पूजा विधिहरू अपनाउँदा यसका नकरात्मक प्रभावलाई कम गर्न सकिन्छ।

शनिको साढेसातीबाट छुटकरा पाउने उपायहरू :
१. शनिदेवको पूजा गर्नुहोस्
शनिदेवलाई न्यायको देवता र कर्मफलका आधार मानिन्छ। शनिबारको दिन स्नान गरेर कालो वा नीलो वस्त्र लगाएर शनिदेवको पूजा गर्नु महत्त्वपूर्ण मानिन्छ। पूजा गर्दा तिल, तेल, कालो कपडा अर्पण गर्दा शनि देवता प्रसन्न हुन्छन् र उनका अशुभ प्रभावहरू घट्छन्।

२. हनुमानजीको भक्ति गर्नुहोस्
हनुमानजीलाई शनि देवका शत्रु मानिन्छ र उनका भक्तिले शनिको प्रभावलाई कम गर्न सकिन्छ। हनुमान चालिसा वा बजरंग बाणको पाठ नियमित रूपमा गर्नुहोस्, जसले शनि देवको दोषलाई नष्ट गर्न मद्दत पुर्याउँछ।

३. दान गर्नुहोस्
शनिको प्रभाव घटाउन दान महत्त्वपूर्ण मानिन्छ। शनिबारको दिन कालो तिल, उडदको दाल, लोहा, नीलो वस्त्र, र जुत्ता दान गर्नु उपयुक्त हुन्छ। यसले शनि देवको कृपा प्राप्त गर्न मद्दत गर्दछ।

४. नैतिक जीवनयापन गर्नुहोस्
शनि ग्रह कर्मको देवता हुन् र उनी जस्तो कार्य गरिन्छ त्यस्तो फल दिन्छन्। यसकारण, झूठ बोल्नु, धोका दिनु, र अनैतिक कार्यहरूबाट टाढा रहनु महत्त्वपूर्ण छ। शुभ र राम्रो कर्म गर्नाले शनिको कृपा प्राप्त हुन्छ।

५. शिवको आराधना गर्नुहोस्
शनिदेव भगवान शिवका भक्त हुन् र शिवलिङ्गको पूजा गर्दा शनि देवको प्रभाव कमजोर गर्न सकिन्छ। शिवलिङ्गमा जल अर्पण, बेल पत्र चढाउने, र “ॐ नमः शिवाय” मन्त्र जप गर्दा शनि देव प्रसन्न हुन्छन्।