रौतहट स्थित सरकारी कार्यालयहरुमाथि विद्युत महशुल बक्यौता ५३ लाख भन्दा बढी रहेको विद्युत प्राधिकरण शाखा गौर जनाएको छ । आर्थिक वर्ष २०७२÷०७३ को असार मसान्तसम्म सरकारी कार्यालयहरु माथिको बक्यौता कुल ५३ लाख ४१ हजार ९ सय ६२ रुपैया रहेको प्राधिकरण शाखा जनाएको छ । जिल्ला भरिको सरकारी कार्यालयहरुमा सबभन्दा बढी विद्युत महशुल बक्यौता स्वास्थ्य मन्त्रालय अन्तर्गतको सरकारी अस्पताल, स्वास्थ्य चौकी, उपस्वास्थ्य चौकी माथि रहेको छ । स्वास्थ कार्यालयहरुमा मात्रै १७ लाख ५७ हजार १ सय रुपैया तिर्न बाकि रहेको छ । यस्तै दोश्रो नम्बरमा शिक्षा मन्त्रालय अन्तर्गतको शिक्षा कार्यालय र विद्यालयहरुमा रहेको छ । सो कार्यालयहरुमा कुल १३ लाख १६ हजार ५ सय ५८ रुपैया बाकी रहेको देखिएको छ । यस्तै स्थानिय विकास मन्त्रालय अन्तर्गतको जिविस, गाविस कार्यालयहरुमा १२ लाख ३६ हजार १ सय ५९ रुपैया, कृषि मन्त्रालय अन्तर्गतको पशु कार्यालय, कृषि कार्यालय, साना किसान कृषि सहकारी संस्थाहरुमा २ लाख १९ हजार ५ सय ९४ रुपैया, वन तथा भु संरक्षण मन्त्रालय अन्तर्गतको कार्यालयहरुमा २ लाख १ हजार ४४ रुपैया, गृह मन्त्रालय अन्तर्गतको कार्यालयहरुमा ३ लाख ६१ हजार ३ सय २६ रुपैया, रक्षा मन्त्रालय अन्तर्गतके कार्यालयहरुमा ३२ हजार ५ सय रुपैया, अर्थ मन्त्रालय अन्तर्गत भन्सार कार्यालयमा ११ सय ३५ रुपैया, भुमि सुधार मन्त्रालय अन्तर्गतके नापि, मालपोत कार्यालयहरुमा ५५ हजार ३ सय ७६ रुपैया, कानुन तथा न्याय मन्त्रालय अन्तर्गत बार एसोसिएशन कार्यालयमा ४७ हजार ५ सय ४० रुपैया, यातायात मन्त्रालय अन्तर्गतको कार्यालयहरुमा ८९ हजार ७ सय ८६ रुपैया, सिंचाई मन्त्रालय अन्तर्गतको कार्यालयहरुमा १२ हजार ७ सय ६९ रुपैया, सुचना तथा संचार मन्त्रालय अन्तर्गतको कार्यालयहरुमा १० हजार ८ सय ३८ रुपैया र जनसंख्या तथा वातावरण मन्त्रालय अन्तर्गतको जल तथा मौसम विभाग पौराइको २ सय ३१ रुपैया तिर्न बाकि रहेको प्राधिकरण शाखा जनाएको छ । उर्जा राज्यमन्त्री सत्य नारायण भगत सदरमुकाम गौर स्थित एक कार्यक्रममा बिद्युत महसुल तिर्न बाँकी रहेकाहरुको लाइन काटिने घोषणा गरेका थिए । उनकै गृह जिल्ला स्थित सरकारी कार्यालयहरु माथि यति धेरै बिद्युत महसुल बाँकी रहेपछि अब यस प्रति उनको रणनिति के हुने हो चासोको बिषय बनेको छ