सुनचाँदीको मूल्यमा नयाँ ऐतिहासिक रेकर्ड, कतिमा हुँदैछ कारोबार ?

काठमाडौं । नेपाली बजारमा सुनचाँदीको मूल्यले निरन्तर नयाँ रेकर्ड बनाइरहेको छ । आज पनि सुन र चाँदीको मूल्यले अघिल्लो दिनको रेकर्ड तोडेको छ । आज छापावाला सुनको मुल्य तोलामा १ हजार ५ सय रुपैयाँले रुपैयाँले बढेको छ । नेपाल सुनचाँदी व्यवसायी महासंघका अनुसार आज सुन प्रतितोला २ लाख ७८ हजार रुपैयाँमा कारोबार भइरहेको छ। यो मूल्य हालसम्मकै उच्च हो ।

मंगलबार सुनको मुल्य प्रतितोला २ लाख ७६ हजार ५ सय रुपैयाँमा कारोबार भएको थियो । त्यस्तै, चाँदीको मुल्यले केही दिनयता निरन्तर नयाँ रेकर्ड बनाइरहेको छ । चाँदीको मूल्य तोलामा एकैदिन ३ सय १५ रुपैयाँले बढेर प्रतितोला ५ हजार ६ सय ५५ रुपैयाँमा कारोबार भईरहेको महासंघले जनाएको छ । अघिल्लो दिन मङ्गलबार चाँदीको मूल्य तोलाको ५ हजार ३ सय ४० रुपैयाँमा कारोबार भएको थियो ।