आज विश्व प्रेम दिवस मनाइदै, के हो यसको महत्व र इतिहास ?

काठमाडौँ ।  आज फ्रेब्रुअरी १४ का दिन विश्व प्रेम दिवस अर्थात भ्यालेनटाइन डे नेपालसहित विश्वभर मनाइदैँ छ । प्रेम र आत्मीयता अभिव्यक्त गर्ने अवसरका रुपमा स्थापित यस दिन विशेषगरी युवा पुस्ताका लागि खास बन्दै गएको छ । यस दिनमा आफ्नो प्रेमि अथवा प्रेमिकालाई फुल कार्ड,चकलेट,तथा अन्य उपहार प्रदान गर्दै विशेष दिनका रुपमा मनाउने चलन रहेको छ ।

यस दिनको इतिहास तेस्रो शताब्दिको रोमन काँलसँग जोडिएको छ भने रोमन सम्राट क्लाउडियस ।। ले सैनिकलाई विवाह गर्न प्रतिबन्ध लगाएपछि क्रिश्चियन धर्मगुरु शन्त भ्यालेनटाइनले उक्त आदेशको उल्लघंन गदै गोप्य रुपमा विवाह गराइदिएको विश्वास गरिन्छ । यहि कारण उनलाई सन् २६९ को फ्रेव्रुअरी १४ मा मृत्युदण्ड दिइएको भनाइ रहेको छ ।

उनकै सम्झनामा प्रत्येक वर्ष १४ फ्रेव्रुअरीलाई प्रेम दिवसका रुपमा मनाउने परम्परा विकसित भएको मानिन्छ । पछिल्लो समय भ्यालेनटाइन डे अघि एक सातासम्म ‘रोज डे देखि हग डे’ सम्म विशेष दिन मनाउने प्रचालनसमेत बढ्दै गइरहेको छ । आजको दिनलाई प्रेम प्रस्ताव राख्ने,सम्बन्ध सुदृढ बनाउने र आमीयता अभिव्यक्त गर्ने अवसरका रुपमा लिइन्छ ।