काठमाडौं । आज नेपाली बजारमा सुनचाँदी दुबैको मुल्य घटेको छ । सुनको मुल्य तोलामा १ हजार ५ सय रुपैयाँले घटेको हो । नेपाल सुनचाँदी व्यवसायी महासंघका अनुसार आज सुनको मुल्य तोलामा ३ लाख ४ सय रुपैयाँमा कारोबार भईरहेको छ । मंगलबार सुन तोलामा ३ लाख १ हजार ९ सय रुपैयाँमा कारोबार भएको थियो ।

यस्तै आज चाँदीको मुल्य पनि तोलामा ५ रुपैयाँले घटेको छ । चाँदी तोलामा ४ हजार ८ सय ८० रुपैयाँमा कारोबार भइरहेको महासंघले जनाएको छ । हिजो मंगलबार चाँदी तोलामा ४ हजार ८ सय ८५ रुपैयाँमा कारोबार भएको थियो ।